މި އަލިއަޅުވައިލަނީ ހަޔާތާމެދު ފަލްސަފީ ނަޒަރަކުން ބައްލަވައިލައި، ވިސްނުންތެރި ބައެއް ޝަހުސިއްޔަތުތައް ވިދާޅުވެފައިވާ ބައެއް ވިދާޅުވުންތަކަށެވެ.

1. "ހަގީގީ ނުބައި އަމަލުތައް ފެންނަނީ އެއް އިރެއްގައި ހިތްހެޔޮކޮށް އުޅުނު މީހުންގެ ފަރާތުންނެވެ." (ސެސަރޭ ޕެވީސް)
2. "އެ މީހެއްގެ ހަޔާތުގައި އަހަރެން ވުމަށް ނޭދޭ މީހުން އަހަރެންގެ ހަޔާތުން ބޭރުކޮށްލަން އަހަރެންގެ މައްސަލައެއް ނެތެވެ. ސަބަބަކީ އަހަރެން ބޭނުންވާ މީހުން އަހަރެންނަށް ގެއްލިއްޖެއެވެ. ނަމަވެސް އަހަރެންގެ ފުރާނަ އަދިވެސް އެބަހުއްޓެވެ." (ކާލް މޭ)
3. "ވިސްނުންތެރި މީހަކާ އެއް ފަހަރު ވާހަކަ ދައްކާލުމަކީ 10 އަހަރު ވަންދެން ފޮތް ދިރާސާ ކުރުމަށްވުރެ ގިނަ މައުލޫމާތު ލިބޭ ކަމެކެވެ." (ހެންރީ ވޯޑްސްވޯތު ލޯންގްފެލޯ)
4. "ގައުމުތަކުގެ ވެއްޓުން އަންނަނީ އިންސާފު ގާއިމުކުރުން ހުއްޓާލުމުންނެވެ." (އިބުނު ހަލްދޫން)
5. "ހާސްކަމާއި މާޔޫސްކަން އެއްފަރާތްކޮށްފައި ދިރިއުޅެން ފަށަން ބޭނުން ނަމަ، ތިބާއަށް ކުރިމަތިވެފައިވާ މައްސަލަތަކަށް ބެލުމުގެ ބަދަލުގައި ތިބާއަށް މާތްﷲ ދެއްވައިފައިވާ ރަނގަޅު ކަންތައްތަކަށް ބަލާށެވެ." (ޑޭލް ކާނެގީ)
6. "ފޭލިވާނީ އެންމެންގެ ރުހުން ހޯދަން އުޅޭ ނަމައެވެ." (އެއަވިން ހޮމެލް)
7. "އަހަރެންނަށް ގެއްލުން ދިނީ އަހަރެން ދަންނަ މީހުންނެވެ. އަހަރެން ނުދަންނަ އެންމެންނަށް މާތްﷲ ރަހްމަތްލައްވާށިއެވެ!" (އަބޫ އަލް-އަލާއު އަލް-މައަރީ)
8. "ހަމަ ކޮންމެ ދުވަހަކު ވެސް ލަދުވެތިކަމެއް ނެތި މި ދުނިޔޭގައި އިންސާފު ނެތިކޮށްލައެވެ." (ޣައްސާން ކަނަފަނީ)
9. "ސިންގާއެއް އަނގަ ހުޅުވައިގެން އޭގެ ދަތްޕިލަ ފެންނަ ގޮތަށް ހުރި ނަމަ، އެއީ އެ ސޮރު ހިނިތުންވެފައި ހުރީ ކަމަށް ހީނުކުރާށެވެ!" (އަލް-މުތަނައްބީ)
10. "ތެދުވެރިކަން ކުރިއަށް ނެރުމުން ހުރިހާ އެންމެންގެ ދުޝްމިނަކަށްވާނެއެވެ." (ހަލީލު ޖުބްރާން)
11. "ފަރުދެއްގެ ގޮތުގައި މީހާ ބޮޑުވުމަށް އެންމެ ފުރަތަމަ ހުރަސްއެޅުން އަންނާނީ އާއިލާގެ ފަރާތުންނެވެ." (ލިއޯ ޓޯލްސްޓޯއި)
12. "ހޭލުންތެރިކަން އިތުރުވުމުން ވޭނާއި ކެކުޅުން އިހުސާސް ކުރެވޭ މިންވަރު އިތުރުވެއެވެ. ނަފުސާނީ ބައްޔެއް ކަމަށްވާ ޑިޕްރެޝަން ގިނަ ފަހަރަށް ހުންނަނީ ވިސްނުންތެރިންގެއެވެ." (އާދިލް ސޯދިގް)
13. "އަހަރެންނަށް އިހުތިރާމްކޮށް، އަހަރެންނާމެދު ރަނގަޅަށް ކަންތައްތައްކޮށްފި ނަމަ، ތިބާއަކީ އަހަރެންގެ ތޮތްޕަށް ޖަހާ ފިޔަފަތެއް ނޫނެވެ؛ އޭގެ ބަދަލުގައި ތިބާ ވެގެންދާނީ އަހަރެންގެ ބޮލުގައި އަޅާ ތާޖަކަށެވެ." (އިބްރާހީމް އަލް-ފިކީ)
14. "ހަޔާތުގެ އަގު ދެނެގަނެވޭނީ މަރުވުމަށް އެދެވުމުންނެވެ." (ވިންސްޓަން ޗާޗިލް)
15. "ހިތްހެޔޮކަމާއެކު ބަސް ބުނުމުން ޔަގީންކަން ލިބެއެވެ. ހިތްހެޔޮކަމާއެކު ވިސްނުމުން ހުރިހާ މައްސަލައެއް ހައްލުކުރެވެއެވެ. އަދި ހިތްހެޔޮކަމާއެކު އެހީތެރިކަން ފޯރުކޮށްދިނުމުން ލޯބި އުފެދެއެވެ." (ލާއޮ ސޫ)
16. "ހިތާމަވެރިކަމަކީ އެ މީހެއްގެ އަމިއްލަ ނަފުސާއި މުޖުތަމައާމެދު ރަނގަޅަށް ވިސްނައިލުމަށް ލިބޭ ފުރުސަތެކެވެ." (ޖީން-ޖާކް ރޫސޯ)
17. "ތިބާ ބުނަން ބިރުގަންނަ ބަސްތަކަކީ ގިނަ ފަހަރަށް ދައްކަން ޖެހޭ ވާހަކަތަކެވެ." (ޖޯޖް ބަނާޑް ޝޯ)
18. "އިންޓަނެޓާ ދުރުގައި ވަގުތުކޮޅެއް ހޭދަކޮށްލާށެވެ. ތިބާއަށް ގެއްލުނު އެއްޗެއް ނެތްކަން ރޭކާލާނެއެވެ. ނަމަވެސް އިންޓަނެޓުން ބޭރުން ގެއްލުނު އެއްޗެހިތަކެއް ވާކަން އެނގޭނެއެވެ. މިސާލަކަށް، ތިބާގެ މަންމަ މުސްކުޅިވަމުން ދިޔަކަން ތިބާގެ ސަމާލުކަމަށް ނައި ކަމެވެ!" (އަބްދުﷲ އަލް-މުޣްލޫތު)
19. "ހަޔާތަކީ އުއްމީދެވެ. އުއްމީދު ނެތް ނަމަ ހަޔާތް ގެއްލޭނެއެވެ." (ޕްލޭޓޯ)
20. "ހީ ސަކަރާތް ނުޖަހާ ކޮންމެ ދުވަހަކީ ބޭކާރު ދުވަހެކެވެ." (ޗާލީ ޗެޕްލިން)
21. "ތިބާ އަތުލައިގަނެވޭނީ ތިބާގެ ހަރަކާތްތައް ހުންނަ ގޮތް އެނގޭ މީހަކަށެވެ. ތިބާ ދާން ބޭނުންވާ މަންޒިލަށް ރައްކާތެރިކަމާއެކު ދެވެންދެން އެއްވެސް މީހެއްގެ ގާތުގައި ތިބާގެ ވިސްނުން ހުރި ގޮތް ކިޔައިނުދޭށެވެ!" (އެޗް.ޓީ.އާރް)
22. "ޒަހަމްވެފައިވާ ދެ ލޯ ހުރި ކުޑަކުއްޖަކު ވާހާ ހިނދަކު އަހަރެން މި ދުނިޔެއަކަށް އިހުތިރާމެއް ނުކުރާނަމެވެ." (ސްޓޭންލީ އޯކެކޭ)

• ތަރުޖަމާއެއް