ޒަވާޖީ ހަޔާތަކީ ދެމަފިރިންގެ ބައިވެރިވުމާއެކު ކާމިޔާބުވާނެ ދަތުރެކެވެ. އެ ގޮތުން މި ބަލައިލަނީ ކައިވެންޏަށް ފަހު ދިރިއުޅުމުގައި ސަމާލުކަން ދޭންޖެހޭ 16 ކަމަކަށެވެ.

1. ފިރިމީހާ ބަނޑުހައިހޫނުކަމުގައި ނުބަހައްޓާށެވެ. އެކަން ފޫބައްދަން އެހެން އަންހެނަކު އައިސްފާނެއެވެ.
2. އަނބިމީހާ ތައްޔާރުކުރާ ކާނާ ކަމުނުދިޔަސް އެ ކާށެވެ. ހައްލަކީ އޭނާއަށް ކައްކަން ދަސްކޮށްދިނުމެވެ.
3. ޖިންސީ ގުޅުމަކީ ޒަވާޖީ ހަޔާތް ބަނދެލާ ރޯނެވެ. އެ ކަމުން ބަރީއަ ނުވާށެވެ.
4. ދެމަފިރިންގެ ދެމެދުގައި މައްސަލަ ޖެހުނަސް ތިންވަނަ ފަރާތެއް އެކަމުގެ ތެރެއަށް ވައްދަން އަވަސްވެނުގަންނާށެވެ. ދެމަފިރިންވެގެން މައްސަލަ ހައްލުކޮށްލައިށެވެ.
5. ފިރިމީހާ ކިތައްމަ މުއްސަންޖަސް ކުރާނެ ކަންތައްތައް އަނބިމީހާ ވެސް ހޯދަންޖެހޭނެއެވެ.
6. ރަނގަޅު އަދި އުފާވެރި އާއިލާއެއް ބިނާކުރަން ބޭނުން ނަމަ ދަރިން ރަނގަޅު ގޮތުގައި ތަރުބިއްޔަތުކުރާށެވެ.
7. އާއިލާގެ ހުރިހާ ކަމެއްގެ ޒިންމާ ފިރިމީހާގެ ބޮލުގައި ނާޅުވާށެވެ. އޭނާ ވެސް ކޮންމެވެސް ދުވަހަކުން ވަރުބަލިވާނެއެވެ.
8. ފިރިމީހާގެ ރޭވުންތަކުގައި އަނބިމީހާ ވެސް ބައިވެރިކުރާށެވެ. އަނބިމީހާ ދޭ ހިޔާލަކީ އެންމެ ވިސްނުންތެރި ހިޔާލަށްވެދާނެއެވެ.
9. އެއްވެސް މީހަކީ "ޕާފެކްޓް" ނުވަތަ އެންމެ ރަނގަޅު މީހަކަށް ނުވާނެއެވެ. ކޮންމެ މީހެއްގައި ވެސް ނުކުޅެދުންތެރި ކަންތައްތަކެއް ހުންނާނެއެވެ.
10. ތިބާއަކީ އަބަދުވެސް އެންމެ ރަނގަޅު މީހާކަމަށް ތިބާ ދެކެން ފަށައިފި ނަމަ، އެ ހިސާބުން ޒަވާޖީ ހަޔާތުގައި ރެނދުލާން ފަށައިނެއެވެ.
11. ޒަވާޖީ ހަޔާތް ބަނދެވުމުގައި ދެމަފިރިން އެކުގައި ކަންތައްތައްކުރުން މުހިންމެވެ. މިސާލަކަށް، އެއްކޮށް ކައިފައި ނުވަތަ އެއްކޮށް ފެންވެރުން ކަހަލަ ކަންތައްތަކެވެ.
12. އަފޫކުރުމަކީ ޒަވާޖީ ހަޔާތެއްގެ އަސާސީ ސިފައެކެވެ. ކޮންމެ ފަދަ ކުށެއް ކުރެވުނަސް އަނެކާއަށް މައާފުކުރާށެވެ.
13. "ސޮރީ" މިއީ އެންމެ އަތްމަތީ ބަސްކަމުގައި ހަދައިށެވެ. އެއީ ހަމައެކަނި ބުނެލާ ބަހެއް ނޫނެވެ – ނަމަވެސް މައާފަށް އެދޭއިރު އެ ކަމަށް ބާރުދޭ ވަރުގަދަ ބަހެކެވެ.
14. އެއްވެސް ސަބަބަކާހުރެ ވެސް އެކަކު އަނެކަކަށް ކަންތައްތައް ސިއްރުނުކުރާށެވެ. ޒަވާޖީ ހަޔާތް ކާމިޔާބުވާނީ އެކަކު އަނެކަކަށް އިތުބާރުކުރުންމަތީ ދެމިހުރުމުންނެވެ.
15. އާއިލާ ރޭވުމަކީ ހަމައެކަނި ދޭތެރެދުރުކުރުމެއް ނޫނެވެ. ނުވަތަ ލިބޭ ދަރިންގެ އަދަދު މަދުކުރުމެއް ވެސް ނޫނެވެ. އެއީ ދެ މީހުން އެއްބަސްކިޔައިގެން އާއިލާ އޮންނާނެ ގޮތް ރައިވައިލުމެވެ.
16. ކޮންމެ ކަމެއްގައި ވެސް މާތްﷲއަށް ވަކީލުކުރާށެވެ. އެ ކަލާނގެއަކީ ހުރިހާ ކަމެއްގެ ހައްލެވެ. އެއީ އާއިލީ ހުރިހާ މައްސަލަތައް ހައްލުކޮށްދެއްވައި ފަރާތްވެސްމެއެވެ.

މި ބަލައިލެވުނު 16 ނުކުތާގައިވާ ކަންތައްތަކަށް އަމަލުކުރުމުން ޒަވާޖީ ހަޔާތަކީ ދެމަފިރިންގެ ބައިވެރިވުމާއެކު ކާމިޔާބު ދަތުރަކަށް ހެދޭނެއެވެ.

ނޯޓު: ތަރުޖަމާއެއް