• މާމުއި ކުޅަނދުރެއް ކަށި ޖެހުމުން ހުރިހާ މާމުއި ހަތާތަކެއް ނައްތައިނުލައިށެވެ. (ކެންޔާ)
• ރީތި ނަމަވެސް ކަތިލާ ތަނަކަށް ގެންދިއުމުން އުފާކުރާނީ މޮޔަ ގެރިއެކެވެ. (ޒެމްބިއާ)
• އުޑުގެ ކިތައްމެ އުހަކަށް އުދުހިފައި އެރިއަސް ކާބޯތަކެތި ހޯދަން ބާޒަށް ޖެހޭނީ ބިންމައްޗަށް ޖައްސައިށެވެ. (ޒިމްބާބްވޭ)
• ކަންބަޅިތަކެއްގެ މައްޗަށް ރަސްކަންކުރާ ސިންގާއަކަށް ކަންބަޅިތަކަކަށް ތަބާވާ ސިންގާތަކެއް ބަލިކޮށްލެވޭނެއެވެ. (ގާނާ)
• ކާބޯތަކެތީގެ މީރުކަން އަނގައަށް ދަސްކޮށްދެވޭނީ ފުރަގަސްފަރާތަކަށް ނޫނެވެ. (ދެކުނު އެފްރިކާ)
• ރީތި އަންހެނަކާ ކައިވެނިކުރާ މީހަކީ މަގު ކައިރީގައި ޒުވާރި އިންދާ ދަނޑުވެރިއެއް ފަދަ މީހެކެވެ. (އިތިއޯޕިއާ)
• އިސްކޮޅުން ކުރު މީހަކީ ކުޑަ ކުއްޖެއް ނޫނެވެ. (ނައިޖީރިއާ)
• ރުޅިގަނޑު ކިތައްމެ ހޫނަސް އެއަކުން އޮޅުއަލައެއް ނުކެއްކޭނެއެވެ. (ނައިޖީރިއާ)
• ކުރިމަތިފަރާތުގައި ޖައްސާ މެއްސެއް ފައްސައިލުމަކީ ނުހަނު ހުށިޔާރުކަން ބޭނުންވާނެ ހުނަރެކެވެ. (ގާނާ)
• ކަރު ތެރެއަށް ވަޅިއެއް ވައްދަން ބޭނުން ނަމަ ފުރަގަސްފަރާތުން އޭތި ނެރެން ވެސް އެނގެންޖެހޭނެއެވެ. (ދެކުނު އެފްރިކާ)
• ބަކައްޓެއް ދެ ބުމަ ގޮށްޖަހައިގެން ހުއްޓަސް އެ ސޮރު މާރުކޭޓަށް ވިއްކައިލަން ނުގެންދާނެ ގޮތެއް ނޯންނާނެއެވެ. (ނައިޖީރިއާ)
• މުރަނަ ކަށިތަކެއްގެ ވާހަކަ ބުނުމުން މުސްކުޅި އަންހެނަކަށް ނުތަނަވަސްކަން ލިބޭނެއެވެ. (ގާނާ)
• އުއް ވިރުވާލަނީ މަށި ހަރުކޮށްލާ ހަމަ އިރުގެ އަވިންނެވެ. (ނައިޖީރިއާ)
• ދާ މަންޒިލު ނޭނގޭ ނަމަ ކޮންމެ މަގަކުން ދެވޭނީ ވެސް އެ މަންޒިލަށެވެ. (ޔުގެންޑާ)
• މާބަނޑު މީހުން އެޑްމިޓްކޮށްފައި ތިބޭ ހޮސްޕިޓަލް ވޯޑުގައި ބިކުރުވެރި އަންހެނުންނެއް ނުތިބޭނެއެވެ. (ކެމަރޫން)
• މީހުން ތޮއްޖެހިފައިވާ މާރުކޭޓަކަށް ގާބުރިއެއް އެއްލާ މޮޔަ މީހަކަށް އޭނާގެ މަންމަގެ ހަށިގަނޑަށް އެ ގާބުރި އަރާފާނެކަމެއް ނޭނގޭނެއެވެ. (ޔުގެންޑާ)
• ތުއްތު ކުއްޖަކަށް އޭނާގެ މަންމަގެ އުރަމަތި ކުޅެން ލިބުނަސް އޭނާގެ ބައްޕަގެ ކުރިމަތިފަރާތާ ނުކުޅެވޭނެއެވެ. (ގިނީ)
• ފުރަގަސްފަރާތް ހިރުވަނިކޮށް ނިދަން އޮށޮންނަ މީހާއަށް ހޭލެވެނީ އިނގިލިތަކުން ނުބައި ވަސް ދުވާ ހާލުގައެވެ. (ނައިޖީރިއާ)

ނޯޓު: ތަރުޖަމާއެއް