ލިޔުންތެރިޔާ: ރަމްލާ ޢަބްދުލްޣަނީ

ރަމްލާ ޢަބްދުލްޣަނީ އަކީ ކުޅަދާނަ ޝާޢިރާއެކެވެ. ކޮންމެ މައުޟޫޢަކަށްވެސް ވަރަށް ފަރިތަކަމާއެކު ޅެން ހައްދަވާ ބޭފުޅެކެވެ. ޢުމުރުފުޅުން 17 އަހަރުގައި ޅެން ހައްދަވަން ފެށްޓެވި ރަމްލާ ޢަބްދުލްޣަނީ، މި ދާއިރާގައި ޚިދުމަތް ކުރައްވަމުން ގެންދަވާތާ މިހާރު 60 އަހަރަށްވުރެ ގިނަ އަހަރު ވެއްޖެއެވެ. ދިވެހި އަދަބިއްޔާތަށް ޚިދުމަތް ކުރުމުގެ ދާއިރާއިން އާންމު ޚިދުމަތުގެ ހިތްވަރު ދިނުމުގެ އިނާމު 2000ވަނަ އަހަރު ލިބިވަޑައިގެންނެވި ރަމްލާއަށް ދިވެހިބަހާއި އަދަބިއްޔާތުގެ ދާއިރާއިން، ދިވެހި ޅެންވެރިކަން ކުރިއެރުވުމުގެ ރޮނގުން ޝަރަފުވެރިކަމުގެ ޤައުމީ އިނާމު 2015ވަނަ އަހަރު ވަނީ ލިބިވަޑައިގެންފައެވެ.