ބޯދާބަހެއްގައިވެއެވެ: "ތިބާ ތިޔަ ދުއްވަނީ މަރުވެފައިވާ އަހެއްކަމަށް ރޭކާލައިފި ނަމަ، އެންމެ ރަނގަޅު ގޮތަކީ އޭގެން ފޭބުމެވެ."
ނަމަވެސް މަސައްކަތްކުރާ ބައިވަރު ތަންތާނގައި، މި ފަދަ އަހަކުން ފޭބުމުގެ ބަދަލުގައި، މީހުން ގިނައިންކުރާ ކަންތައްތަކުގެ ތެރޭގައި ހިމެނެނީ:
- އަސް ހަރަކާތްތެރިކުރުވުމަށް މިހާރު ބޭނުންކުރާ އެއްތެޔޮގަނޑަށްވުރެ ބާރުގަދަ އެއްތެޔޮގަނޑެއް ބޭނުންކުރަނީއެވެ.
- އަސް ދިރާސާކުރުމަށް ޓީމެއް އެކުލަވައިލަނީއެވެ.
- މަރުވެފައިވާ އަސްތައް ދުއްވަން ތަމްރީންކުރަން މުވައްޒަފުން ފޮނުވަނީއެވެ.
- މަރުވި އަސް އެއީ ރީތި އެއްޗެއްކަމަށް ދައްކަން އެ އަހަށް އާ ނަމެއް ދެނީއެވެ. މިސާލަކަށް، "ހަކަތަ ހުސްވެފައިވާ އަހެ"ކެވެ.
- އާ މަގާމަކަށް އަސް ޕްރޮމޯޓުކުރަނީއެވެ. މީހުންނަށް ހިތްވަރެއް ލިބޭތޯއެވެ.
ފިލާވަޅަކީ:
ރޭވުމެއް، މަޝްރޫއެއް ނުވަތަ އުކުޅެއް ނަމަވެސް، އެ ކަމެއް މަސައްކަތް ނުކުރަން ފަށާ ހިސާބުން، އެ ކަމަށް ވަގުތާއި ހަކަތަ ބޭކާރުކުރުން ހުއްޓާލާށެވެ. އެ ކަން ދޫކޮށްލާށެވެ. އަދި މަސައްކަތްކުރާ ކަމަކަށް ސަމާލުކަން އަނބުރާލާށެވެ.
ވެރިންނަށް ކުރެވިދާނެ ކަންތައްތަކުގެ ތެރޭގައި ހިމެނެނީ:
- މަސައްކަތްކުރަނީ ކޮން ކަމެއްތޯ ބަލާށެވެ. އަދި އެހެންމެ، މަސައްކަތް ނުކުރަނީ ކޮން ކަމެއްތޯ ވެސް ބަލާށެވެ. ތެދުވެރިކަމާއެކުއެވެ.
- އަވަހަށް ފިޔަވަޅު އަޅާށެވެ. އެ ކަމެއް މަސައްކަތް ނުކުރާ ނަމަ، އެހެން ކަމަކަށް އެނބުރެން ބިރުނުގަންނާށެވެ.
- އާ ހިޔާލުތަކަށް މަރުހަބާ ކިޔާށެވެ. އާ ކަންތައްތައް ތަޖުރިބާކުރަން މީހުންނަށް ރައްކާތެރިކަން އިހުސާސްކުރެވޭ ފަދަ ސަގާފަތެއް އުފައްދާށެވެ.
ބައެއް ފަހަރަށް، ކާމިޔާބަކީ ގަދައަޅާ މަސައްކަތްކުރުމެއް ނޫނެވެ. އެއީ ރޭވުންތެރިކަމާއި، އިޖުރާއަތްތަކާއި އަދި މަސައްކަތްކުރުމުގެ ބޯދާ ވައްޓަފާޅި ދޫކޮށްލާނެ ދަނޑިވަޅު އެނގުމެވެ.
- ތަރުޖަމާއެއް
