ކައިވެނިކުރުން ފަދަ ހަޔާތުގެ މުހިންމު ކަންތައްތަކަކީ އާދައިގެ ނިންމުމަކުން ނިންމޭނެ ކަންތައްތަކެއް ނޫނެވެ.

އެ ގޮތުން ފުރަތަމަ މި ބަލައިލަނީ ކައިވެނި ކުރަން ނިންމަން ނުވާނެ ސަބަބުތަކަށެވެ.

1. ހަމައެކަނި ޖިންސީ އެދުމުގެ ބޭނުމުގައި ކައިވެނި ނުކުރާށެވެ.
2. މުސްކުޅިވަމުންދާތީ އެ ކަމާ ބިރުން ކައިވެނި ނުކުރާށެވެ.
3. ކައިވެނިކުރާ އުމުރަށް އެޅުމުން ހަމައެކަނި އެ ކަމަށް ބަލައިފައި ކައިވެނި ނުކުރާށެވެ.
4. އެކަނިވެރިކަން އިހުސާސްކުރެވޭތީ ކައިވެނި ނުކުރާށެވެ.
5. ތިބާއަށް މާލީ އެހީ ދޭނެ ފަރާތެއް ހޯދުމުގެ ބޭނުމުގައި ކައިވެނި ނުކުރާށެވެ.
6. ތިބާ ލޯބީގެ ގޮތުން ގުޅިގެން އުޅޭ މީހާ ގެއްލިދާނެތީ ކައިވެނި ނުކުރާށެވެ.
7. އާއިލާއިން ޕްރެޝަރު ކުރާތީ ކައިވެނި ނުކުރާށެވެ.
8. ކައިވެންޏަކީ ހަމައެކަނި ސިކުނޑީގައި އެނބުރޭ ކަމުދާ ހިޔާލަކަށްވާތީ އެ ކަން ނުކުރާށެވެ.
9. މީހެއްގެ ހާލަތަށް ހަމްދަރުދީވެގެން އޭނާއާ ކައިވެނި ނުކުރާށެވެ.
10. ތިބާގެ އާއިލީ ގުޅުންތައް ހިމާޔަތްކުރަން އާއިލާ ތެރޭގެ މީހަކާ ކައިވެނި ނުކުރާށެވެ.
11. ރީތި ކައިވެނި ހެދުންތައް ފެނިފައި އެ އަންނައުނުތައް ކަމުގޮސްގެން ކައިވެނި ނުކުރާށެވެ.
12. ކުޑަކުދިން ދެކެ ލޯބިވާތީ ކައިވެނި ނުކުރާށެވެ.
13. ހުރިހާ ރަހްމަތްތެރިން ކައިވެނިކުރަމުންދާތީ ކައިވެނި ނުކުރާށެވެ.
14. ޖިސްމާނީ ގޮތުންނާއި ތައުލީމީ ގޮތުން ކަމުދާ މީހަކަށް ވާތީ އޭނާއާ ކައިވެނި ނުކުރާށެވެ.
15. އަމިއްލަ އާއިލާގެ ކިބައިން ސަލާމަތްވެ، އާއިލާއާ ދުރަށް ދާން ބޭނުންވާތީ ކައިވެނި ނުކުރާށެވެ.
16. މީހެއްގެ އަޅާލުން ބޭނުންވާތީ ކައިވެނި ނުކުރާށެވެ.
17. މީހެއްގެ ގާތުގައި ބުނާ ކަމެއް އޭނާ ލައްވާ ކުރުވުމަށް ބޭނުންވާތީ އޭނާއާ ކައިވެނި ނުކުރާށެވެ.
18. ތިބާގެ އާއިލާގެ މެންބަރެއްގެ ނުވަތަ ތިބާއާ ގާތް މީހެއްގެ ދަރަނި ދެއްކުމަށް ފައިސާ ލިބިދާނެ ފަރާތަކާ ކައިވެނި ނުކުރާށެވެ.
19. އިތުރު ގޮތެއް ނެތޭ ހިތަށް އަރައިފައި ކައިވެނި ނުކުރާށެވެ.

ދެން މި ބަލައިލަނީ ކައިވެނި ކުރަން ނިންމުމަށް އެކަށީގެންވާ ނިންމުންތަކަށެވެ.

1. ތިބާ ކުރަން ބޭނުންވާ ކައިވެންޏަކީ މާތް ﷲ ގެ ތަގުދީރު ކަމަށް ގަބޫލު ކުރެވުމުން ކައިވެނި ކުރާށެވެ.
2. ކައިވެނި ކުރަން ތައްޔާރީ ހާލަތަކަށް އާދެވުމުން ކައިވެނި ކުރާށެވެ.
3. ލޯތްބަށްޓަކައި ކައިވެނި ކުރާށެވެ.

މި ބަލައިލީ ކައިވެނި ކުރުމާއި ނުކުރުމުގައި ބަލަންވީ ކަންތައްތަކަށެވެ. ޒަވާޖީ ހަޔާތެއް ބިނާކުރަން ބިންގާ އަޅާ ނިޔަތް ރަނގަޅުވުމުން ނޫނީ އުޖާލާ ދިރިއުޅުމެއް ކުރިއަކަށް ނުގެންދެވޭނެއެވެ.

ނޯޓު: ތަރުޖަމާއެއް