ގޯލްޑަން އިޔަރ އިންޓަރ ރިސޯޓް ވޮލީބޯޅަ މުބާރާތުގެ ޒޯން އެކެއްގެ ފައިނަލަށް ބަނޑޮސް މޯލްޑިވްސް އާއި ފޯސީޒަން ކުޑަހުރާ ދަތުރުކޮށްފިއެވެ.
ވޮލީ އެސޯސިއޭޝަނުން އިންތިޒާމްކުރާ މި މުބާރާތުގެ ފައިނަލްގެ ފުރަތަމަ ޖާގަ ބަނޑޮސް ހޯދީ އަންގާރަ ދުވަހު ކުޅުނު ސެމީ ފައިނަލްގެ ފުރަތަމަ މެޗުގައި ސީދާ ތިން ސެޓުން ކުޑަހުރާ ބަލިކޮށްފައެވެ. އެ މެޗުގެ މޮޅު ކުޅުންތެރިއަކަށް ހޮވުނީ ބަނޑޮސްގެ އިސްމާއިލް ސާޖިދު (ކުޑަކާއްޓޭ) އެވެ.
މި މުބާރާތުގެ ފައިނަލްގެ ފަހު ޖާގަ ކުޑަހުރާ ކަށަވަރުކުރީ، ލީގު ބުރުގައި އެއްވަނަ ހޯދި ޓީމުގެ ގޮތުގައި، ތިން ވަނަ ޓީމު ވަން އެން އޮންލީ ރީތިރަށް ރިސޯޓާ ބުދަ ދުވަހު ވާދަކޮށް ސީދާ ތިން ސެޓުން ކާމިޔާބުކޮށްގެނެވެ. މި މެޗުގެ މޮޅު ކުޅުންތެރިއަކަށް ހޮވުނީ، އިތުބާރާއެކު މޮޅު ކުޅުމެއް ދައްކަމުން އަންނަ ފޯސީޒަންގެ ޖޯޒީ ނަންބަރ 13 ހުސެން ވިޝާމް (ބުޅިކެ) އެވެ.
މި ޒޯންގައި ދެން ވާދަކުރީ ޖުމެއިރާ އޮޅަހަލި ރިސޯޓެވެ.
މި މުބާރާތުގެ ފައިނަލް މެޗު ކުޅުމަށް ހަމަޖެހިފައިވަނީ މާދަމާ ހަވީރު ބަނޑޮހުގައެވެ.
advertisment
