އިސްރާއީލުގެ ޖަލުތަކުން ފަލަސްތީން ގައިދީން މިނިވަންކުރަނީ އާއިލާތަކާ ބައްދަލުނުކުރެވޭ ގޮތަށް ކަމަށް ގައިދީން ބުނެފިއެވެ.

ބައެއް ހާލަތްތަކުގައި މިސްރު، ގަތަރު އަދި ތުރްކިޔެ ފަދަ ގައުމުތަކަށް ކުރީގެ ގައިދީން ޑިޕޯޓްކޮށްލަނީ ޣައްޒާ އާއި ހުޅަނގު އައްސޭރިއަށް އެނބުރި ނާދެވޭނެ ގޮތަށެވެ. އަނެއް ބައި ހާލަތްތަކުގައި އެ ގައުމުތަކަށް ޑިޕޯޓް ކޮށްލައިފައިވާ ކުރީގެ ގައިދީންނާ ބައްދަލުކުރަން އާއިލާތަކަށް ވަނީ ޣައްޒާ އާއި ހުޅަނގު އައްސޭރިން ފުރަން ހުއްދަ ނުދީފައެވެ.

"އަހަރެންގެ ދަރިން ކޮންމެ ދުވަހަކު އަހާ އަހަރެންނާ ބައްދަލުކުރެވޭނީ ކޮން ދުވަހަކުންތޯ، ނަމަވެސް އެއަށް ދޭނެ ޖަވާބެއް ނެތް،" ޑިޕޯޓްކޮށްލައިފައިވާ ކުރީގެ ގައިދީ ބާސިލު އުބައިދު ބުންޏެވެ.

އިސްރާއީލުން ބުނީ ކުރީގެ ގައިދީން ޑިޕޯޓްކޮށްލަނީ އަދި އެ މީހުންގެ އާއިލާތަކަށް ފުރުން މަނާކޮށްފައިވަނީ އިސްރާއީލުގެ ސަލާމަތީ ސަބަބުތަކަށްޓަކައި ކަމަށެވެ.

"އެއީ ކުރީގެ ގައިދީން އެނބުރި ޣައްޒާއަށާއި ހުޅަނގު އައްސޭރިއަށް ގޮސް ޓެރަރިސްޓް ހަރަކާތްތައް ހިންގިޔަނުދިނުމަށް. މިއީ އިސްރާއީލުގެ ރައްޔިތުންގެ ރައްކަލަކަށް އެޅި ސަލާމަތީ ފިޔަވަޅެއް،" އިސްރާއީލު ސަރުކާރުގެ ތަރުޖަމާނަކު ބުންޏެވެ.

ފަލަސްތީން ރައްޔިތުންނާއި ހައްގުތަކަށް މަސައްކަތްކުރާ ފަރާތްތަކުން ބުނީ މިއީ ހުރިހާ އެންމެންނަށް އަދަބު ދޭ ކަހަލަ ގޮތަކަށް އިސްރާއީލުން އެޅި ފިޔަވަޅެއް ކަމަށެވެ. އެއީ ގައިދީން ޖަލުން މިނިވަންކުރިޔަސްމެއެވެ.