ހޮންކޮންގްގެ ހައުސިން ޓަވަރުތަކެއްގައި ރޯވެ 94 މަރުވިއިރު އެތައް ސަތޭކަ ބަޔަކަށް ވީ ގޮތެއް ނޭނގޭ ކަމަށް ރަސްމީ އިދާރާތަކުން ބުނެފިއެވެ.
ޓައި ޕޮއި ޑިސްޓްރިކްޓްގެ ވަންގް ފުކް ކޯޓްގެ އަށް ޓަވަރުގެ ތެރެއިން ހަތް ޓަވަރުގައި ރޯވި ކަމަށާއި ހުޅުގަނޑު ވަނީ ކޮންޓްރޯލް ކުރެވިފައި ކަމަށް އެ އިދާރާތަކުން އިއްޔެ ބުންޏެވެ.
އެހާ ފަސޭހައިން އަލިފާން ފެތުރުނީ ބެމްބޫ އޮނުން ސްކެފޯލްޑިން ހަދާފައި ހުރުމާއި އަލިފާން ހިފާ ޒާތުގެ މައުދަންތަކުން އިމާރާތުގެ ބޭރު ހަދައިފައިވާތީއެވެ.
"މެއިންޓެނަންސްއާ ހަވާލުވެހުރި އިމާރާތުގެ މަސައްކަތްކުރާ ތިން މީހަކު ހައްޔަރުކޮށްފިން،" އޮފިޝަލަކު ބުންޏެވެ.
އިމާރާތުގައި އުޅުނު އަންހެނެއްގެ ގާތް މީހަކު ކަމަށްވާ ލޯރަންސް ލީ ބުނީ އެ އަންހެންމީހާ އޭނާއަށް ފޯނުން މައުލޫމާތު ދިން ގޮތުގައި ކޮރިޑޯތަކާއި ސިޑިގޮޅިތައް ދުމުން ފުރުމުގެ ސަބަބުން އެ އަންހެންމީހާއަށް ޖެހުނީ އަނބުރާ ފްލެޓަށް ވަންނާށެވެ.
ޓަވަރުތަކުން އަދިވެސް ދުން އަރަމުންދެއެވެ. ގެއްލިފައިވާ މީހުން ހޯދުމުގެ މަސައްކަތް ދަނީ ކުރިއަށެވެ.
advertisment
