ޙުސައިން ޒިމްޔާން (ޖަޑާ) ދެ ހާފުގައި ޖަހައިދިން ދެ ލަނޑުން ލައިކެންސް ބަލިކޮށް، ދިއްދޫ ނައިން އަ ސައިޑް ފުޓްބޯޅަ މުބާރާތުގެ ޗެމްޕިއަންކަން ޓީނޭޖު ބޯއީސް މިއަދު ހޯދައިފިއެވެ.

ތޭރަ އަހަރަށްފަހު ދިއްދޫ އުތުރު ފުޓްބޯޅަ ދަނޑުގައި ކުޅުނު ފުރަތަމަ މުބާރާތުގެ ތަށި ޓީނޭޖު ބޯއީސް އުފުލައިލީ ފޯރިގަދަ ކުޅުމެއް ފެނިގެންދިޔަ ފައިނަލްގައި ލައިކެންސް 2-0 އިން ބަލިކޮށްފައެވެ.

ދިއްދޫ ކޮމިއުނިޓީ ސެންޓަރުން އިންތިޒާމްކޮށްގެން، 10 ޓީމުގެ މެދުގައި ކުރިއަށް ގެންދިޔަ މި މުބާރާތުގެ އެންމެ މޮޅު ކުޅުންތެރިޔަކަށް ހޮވިފައި ވަނީ ލައިކެންސްގެ ޖާޒީ ނަންބަރު 11 ހުސެއިން ޝިފާހެވެ. އެންމެ ގިނަ ލަނޑު ޖެހި ކުޅުންތެރިޔަކީ ބީއެކްސް ސްޕޯޓްސް ކުލަބުގެ ޖާޒީ ނަންބަރު 37 މުޙައްމަދު ނައުޝާދެވެ.

މުބާރާތުގެ އެންމެ މޮޅު ނުވަ ކުޅުންތެރިންނަށް ހޮވިފައި ވަނީ ނައުޝާދުގެ އިތުރުން ޓީނޭޖުގެ ޖާޒީ ނަންބަރ 1، ސައުދުﷲ އަޙްމަދާއި ލައިކެންސްގެ ޖާޒީ ނަންބަރު 32 މުޙައްމަދު ވިޝާހާއި، ޓީނޭޖުުގެ ޖާޒީ ނަންބަރު 21 މޫސާ ސާމިހާއި، ބީ އެކްސްގެ ޖާޒީ ނަންބަރު 19 އިނާޔަތުﷲ ޖަމީލާއި، އައްސޭރި އެފްސީގެ ޖާޒީ ނަންބަރ 10 މުޙައްމަދު ލަޔާނާއި، ޓީނޭޖުގެ ޖާޒީ ނަންބަރ 5 ޙިޝާމް ހަސަން ވަޙީދާއި، ލައިކެންސްގެ ޖާޒީ ނަންބަރ 23 ޝިމްހާދު އިބްރާހީމެވެ.

މުބާރާތުގެ ފައިނަލް މެޗު ޝަރަފްވެރިކޮށްދެއްވީ މޯލްޑިވްސް ޕޮލިސް ސާރވިސްގެ ހއ. އަތޮޅު ކޮމާންޑަރ ސަބް އިނިސްޕެކްޓަރ އޮފް ޕޮލިސް އިބްރާޙިމް ވަޙީދެވެ.

އިތުރު ފޮޓޯ