މިހާރު 70،000 އަށްވުރެ ގިނަ މީހުން ޝަހީދުކޮށްލައިފައިވާ ދެ އަހަރުވީ ޣައްޒާ ހަނގުރާމައިގައި ގާތްގަނޑަކަށް 300 ނޫސްވެރިންނާއި އެ މީހުންގެ މަދުވެގެން 706 އާއިލާ މެންބަރުން ޝަހީދުކޮށްލައިފައިވާކަމަށް އާ ރިޕޯޓެއްގައި ބުނެފިއެވެ.

"މިއީ ހުރިހާ އެންމެނަށް އަމާޒުކޮށް، މިނިވަންކަމާއެކު ޣައްޒާގެ ހަބަރު ފެތުރުމަށް އިސްރާއީލުން ދިން އަދަބެއް،" ރިޕޯޓް ނެރުނު ޕަލަސްތީނިއަން ޖޯނަލިސްޓްސް ސިންޑިކޭޓުން ބުންޏެވެ.

އެ ޖަމިއްޔާގެ ފްރީޑަމްސް ކޮމިޓީން ބުނީ ގެދޮރު ދޫކޮށްލައިފައި ގޮސް ކޭމްޕްތަކުގައި އާއިލާތައް ހިމާޔަތް ހޯދައިގެން ތިބިއިރު އެ މީހުން ޝަހީދުކޮށްލަން އެ ތަންތަނަށް ވެސް ހަމަލާދީފައިވާ ކަމަށެވެ.

"ޝަހީދުކޮށްލި ނޫސްވެރިންގެ އާއިލާތަކުގެ ލޭ ވެގެންދާނީ ފަލަސްތީންގެ އަޑު ކަނޑުވައިލުމުގެ ކުށުގެ ދިރިހުރި ހެއްކަކަށް،" އެ ކޮމިޓީގެ ވެރިޔާ މުހައްމަދުއްލައްހަމް ބުންޏެވެ.

ތަފާސްހިސާބުތަކުން ދެއްކި ގޮތުގައި 2023 ގައި ޝަހީދުކޮށްލި ނޫސްވެރިންގެ 436 ތިމާގެ މީހުން ވަނީ ޝަހީދުކޮށްލައިފައެވެ. އަދި މިދިޔަ އަހަރު 203 ތިމާގެ މީހުން ޝަހީދުކޮށްލައިފައިވާއިރު މި އަހަރުގެ މިހާތަނަށް 67 ތިމާގެ މީހުން ޝަހީދުކޮށްލައިފައިވެއެވެ.