މިރޭ ޑެންމާކްގެ ކޯޕަން ހޭގަންގައި ކުޅެމުން ދިޔަ ޔޫރޯ 2020 މުބާރާތުގައި ޑެމްނާކާއި ފިންލެންޑް ބައްދަލު ކުރި މެޗްގެ ފުރަތަމަ ހާފު ނިމެން ކުޑަ ވަގުތުކޮޅަކަށް ވެފައިވަނިކޮށް ހޭނެތިގެން ދަނޑުމައްޗަށް ވެއްޓުނު ފުޓްބޯޅަތަރި ކްރިސްޓިއަން އެރިކްސަން މިހާރު ހޭ އަރައިފިއެވެ.
ޑެންމާކު ފުޓްބޯޅަ ފަދުރާލުން ކުރި ޓްވީޓެއްގައި ބުނެފައިވަނީ "އެރިކްސަން މިހާރު ހޭއަރައިފި" ކަމަށާއި އިތުރު ޓެސްޓްތައް މިހާރު ހަދަމުން އެބަ ދާ ކަމަށެވެ. އެހެންނަމަވެސް އެ ރިކްސަނަށް ހަގީގަތުގައި ދިމާވި މައްސަލައެއް އެ ފެދުރާލުން އަދި ހާމަކޮށްފައެއް ނުވެއެވެ.
އެންމެ ފަހުގެ ޚަބަރުތައް ބުނާ ގޮތުގައި އެރިކްސަންގެ ޙާލު މިހާރު ވަނީ ހަމައަކަށް އެޅިފައެވެ. އަދި އޭނާގެ ޙާލަތު ރަނގަޅުވަމުން އަންނަ ކަމަށް ވެސް ވަނީ ޚަބަރު ލިބިފައެވެ. ނަމަވެސް އެނާއަށް ދިމާވި މައްސަލައިގެ ތަފުޞީލު ލިބޭނީ އޭނާ ގެންދެވުނު، އެ ޤައުމުގެ އެންމެ ބޮޑު ހޮސްޕިޓަލް ކަމަށްވާ "ރިގްސްހޮސްޕިޓަލެޓް"ގައި ހަދަމުންދާ ޓެސްޓުތަކުގެ ނަތީޖާއަށް ފަހުގައެވެ. އެއީ ހިތުގެ ހަމަލާއެއްކަން ނުވަތަ އެ ނޫން ސަބަބަކާ ހުރެ ދިމާވި ކަމެއްކަން ވެސް އޭރުން ސާފުވާނެއެވެ.
The match had been suspended due to a medical emergency which involved Denmark’s Christian Eriksen. The player in now in hospital and in a stable condition.
UEFA wishes Christian Eriksen a full and speedy recovery and wishes to thank both teams for their exemplary attitude.
— UEFA EURO 2020 (@EURO2020) June 12, 2021
ފެބްރުއަރީ، 14، 1992 ގައި ދުނިޔެއަށް އުފަންވި އުމުރުން 29 އަހަރުގެ އެރިކްސަންއަކީ އިންޓަރމިލާން އާއި ގައުމީ ޓީމުގެ މެދުތެރެއަށާއި ކުރިއަށް ކުޅޭ މަޝްހޫރު ފުޓްބޯޅަ ތަރިއެކެވެ. މި ދިޔަ ހަފުތާގައި ޖަރުމަނާއެކު ކުޅުނު އެކުވެރިކަމުގެ ފުޓުބޯޅަ މެޗުގައި ވެސް އޭނާވަނީ ކުޅެފައެވެ. ކްރިސްޓިއަން އެރިކްސަނަކީ ޑެންމާކުގެ އެންމެ މަޝްހޫރު އެއް ފުޓުބޯޅަ ތަރިއެވެ.
މެޗުގެ ނުނިމި އޮތްބައި މިރޭ ކުރިއަށް ގެންދާ ގޮތަށް ޔުއެފާއިން ދާދި ދެންމެއަކު ވަނީ ނިންމައިފައެވެ.
Following the request made by players of both teams, UEFA has agreed to restart the match between Denmark and Finland tonight at 20:30 CET.
The last four minutes of the first half will be played, there will then be a 5-minute half-time break followed by the second half.
— UEFA EURO 2020 (@EURO2020) June 12, 2021