ގަޑި ހަދަން ދަސްކުރާ މީހަކު އެއް ދުވަހަކު އަވަހަށް ގެއަށް ދާން ބޭނުންވިއެވެ.

އެ ދުވަހު އޭނާއަށް ޖެހިފައިވަނީ ގަޑީގެ ކުޑަ ސޯބެއް ޕޮލިސްކުރާށެވެ. ނަމަވެސް އޭނާ އެ ކަންތަކެއް ނުކުރިއެވެ.

"މިއީ ކުޑަ އެއްޗެއް ނޫން ހެއްޔެވެ؟ ފާހަގަ ކުރެވޭނީ ކާކަށް ހެއްޔެވެ؟" އަމިއްލަ ނަފުސަށް އޭނާ ބުންޏެވެ. އަދި ޕޮލިސް ނުކޮށް އެ ސޯބު ގަޑިއަށް ލެއްވިއެވެ.

މުދައްރިސް އެ ހުރިހާ އިރަކު ހުރީ މަޑުމަޑުން ބަލައިށެވެ. އެއްވެސް ވާހަކައެއް ނުދައްކައެވެ.

ގަޑި ހަދައި ނިމިފައިވާ ވާހަކަ މުދައްރިސް ގާތުގައި، ދަރިވަރު ބުންޏެވެ.

މުދައްރިސް އެ ގަޑި ހިންގައިލިއެވެ. އެ ގަޑި ރަނގަޅަށް މަސައްކަތްކުރިއެވެ. ނަމަވެސް އެއީ އެންމެ ތިން މިނެޓު ވަންދެނެވެ. ދެން އަޑުފައްގަނޑެއް ގޮވައިފައި އެ ގަޑި ހުއްޓުނެވެ.

ހުއްޓިފައިވާ ގަޑީގެ ބޮޑު ކައްޓާ ދިމާއަށް މުދައްރިސް އިޝާރާތްކުރިއެވެ.

"ބޮޑެތި އެއްޗެހި ރަނގަޅަށް ހިފަހައްޓާނީ ކުދި އެއްޗެހިންނެވެ،" ދަރިވަރާ ދިމާއަށް މުދައްރިސް ބުންޏެވެ.

ލަދުގަންފައި ހުރެ ދަރިވަރު އެ ގަޑި ރޫޅައިލިއެވެ. ޕޮލިސް ނުކޮށް އިން ސޯބު ނެގިއެވެ. އަދި މޫނު ބަލައި ލޯގަނޑެއްހާ ސާފު ވަންދެން އެ ސޯބު ޕޮލިސް ކުރިއެވެ. ދެން ގަޑިއަށް އެ ސޯބު ލެއްވުމުން ގަޑި ރަނގަޅަށް މަސައްކަތް ކުރަން ފެށިއެވެ. އަދި އެ ގަޑިއަށް ހުއްޓުމެއް ނާދެއެވެ.

އިބްރަތް:

ހުރިހާ ތަފުސީލަކާމެދު ވެސް ފަހުރުވެރިވާށެވެ. ކިތައްމެ ކުޑަ ވިޔަސްމެއެވެ. ހަގީގީ ފެންވަރު އަންނާނީ ކެތްތެރިކަމުންނެވެ. ދުވެއްޔަކުން ނޫނެވެ.