މާވަހަރަކީ ސްޕަރމް ވޭލްސްގެ ހަޖަމުކުރުމުގެ ނިޒާމުން އުފެދޭ އަޖައިބުކުރުވަނިވި އަދި އަގުހުރި މާއްދާއެކެވެ. އެއީ ބޮޑުމަހުގެ ބަނޑުގައި ޖަމާވެ އުފެދޭ މަޑު މާއްދާއެކެވެ. އަމިއްލަ ރައްކާތެރިކަމަށްޓަކައި ބޮޑުމަހުގެ ފުރަމޭގައި އުފައްދާ މި އުށް ކަހަލަ މާއްދާ އޭގެ ގޮހޮރުގައި ހުންނަ ސްކުއިޑްގެ ތުންގަނޑުގަ އާއި ތޫނު ކަށި ފަދަ ތަކެތީގައި ހާކާލެވެއެވެ. ދުވަސްވުމުން މިތަކެތި ހަރުވެ މާވަހަރަށް ބަދަލުވެއެވެ. އެންމެ ފަހުން ބޮޑުމަސް އެތަކެތި ހޮޑަށް ލަނީއެވެ.
މި ތަކެތި ކަނޑުގައި އޮޔާ ގޮސް ނުވަތަ ގޮނޑުދޮށްތަކަށް ލައްގާފައި ހުރެއެވެ. އަދި ބައެއް ފަހަރު މަރުވެފައިވާ ސްޕަރމް ވޭލްސްގެ ބަނޑުން ވެސް ފެނެއެވެ. އެފްރިކާ، އިންޑިއާ، އަދި މެދުއިރުމަތީގެ އައްސޭރިފަށަކީ އާންމުކޮށް މާވަހަރު ފެންނަ ތަންތަނެވެ.
މާވަހަރު ތަފާތު ކުލަކުލައިގައިވެސް ހުރެއެވެ. ކަޅު ކުލައާއި އަޅިކުލައާއި މުށިކުލައާއި ހުދުކުލައިގައިވެސް ހުރެދާނެއެވެ. އެއީ ތަފާތު އުށްކަހަލަ މަޑުކަމެއް ލިބިފައިވާ އަދި ވަރުގަދަ، ވަހެއް އެކުލެވޭ އެއްޗެކެވެ. މީހުން ބުނާ ގޮތުގައި މާވަހަރުގެ ވަހަކީ ޒައިތޫނި، ސިވެޓް ކަހަލަ ގަދަ އަތަރު ވަހެއް ހުންނަ އެއްޗެކެވެ.
ގަރުނުތަކެއް ވަންދެން މާވަހަރަކީ އަތަރާއި ސެންޓު އުފެއްދުމުގައި ބޭނުން ކުރަމުން އަންނަ އެއްޗެކެވެ. އެއީ މީރުވަސްދުވާ ތަކެތީގެ މައިގަނޑު މާއްދާއެއްގެ ގޮތުގައި ބޭނުން ކުރެވޭ އެއްޗަކަށް ވާތީ، ސެންޓާއި އަތަރުގެ ބާވަތްތަކުގެ ވަސް މީރުކޮށްދީ، އެތައް އިރެއްވަންދެން ވަސް ނުކެނޑި ހުންނާނެހެން ހެދެއެވެ.
މިއީ މަދުން ނޫނީ ނުފެންނަ އަދި ތަފާތު ސިފަތަކެއް ލިބިފައިވާ އެއްޗެއް ކަމުން މާވަހަރު ވެފައިވަނީ ވަރަށް އަގުހުރި އެއްޗަކަށެވެ. އޭގެ އަގު އޭގެ ބޮޑުމިނާއި ކޮލިޓީއާއި ކުލަ ފަދަ ކަންކަމަށް ބަލައިގެން ތަފާތުވެދާނެއެވެ. ބައެއް ހާލަތްތަކުގައި މާވަހަރު ވިއްކާފައިވަނީ ހައިރާން ކުރުވަނިވި މަތީ އަގަކަށެވެ. ކިލޯއެއްގެ އަގު 100،000 ޑޮލަރަށް ވެސް އަރާތަން ފެނެއެވެ.
ނަމަވެސް މާވަހަރުގެ މިލްކުވެރިކަމަކީ ހުރިހާ ފަހަރަކު އެއްގޮތަށް ހުންނަ ކަމެއް ނޫނެވެ. އެކި ގައުމުގައި މިކަން އޮންނަނީ އެކި ގޮތަށެވެ. ބައެއް ގައުމުތަކުގައި މާވަހަރު ގެންގުޅުމަށް ހުއްދަ ހޯދަން ޖެހޭއިރު، އަނެއްބައި ގައުމުތަކުގައި މާވަހަރުގެ މިލްކުވެރިކަން އެ ހޮވާ މީހަކަށް ނުވަތަ ބަޔަކަށް ލިބެއެވެ.
މިހާރު އޮންނަ ހިތާމައަކީ ސްޕަރމް ވޭލްގެ އާބާދީ ދަށްވަމުންދާ ކަމެވެ. އެކަމުގެ ސަބަބުން މާވަހަރު އުދުމަށް ވެސް އަސަރުކުރެއެވެ. ނަތީޖާއެއްގެ ގޮތުން ކުރިއަށް އޮތް ތަނުގައި މާވަހަރު މާ ތަދު ވެދާނެ ކަމުގެ ކަންބޮޑުވުންތައް އެބަހުއްޓެވެ.
ދެން ސްޕަރމް ވޭލްސްގެ ވާހަކަ ވެސް ދައްކާލަމާ ހިނގާށެވެ! ސްޕަރމް ވޭލް އަކީ ދަތް ހުންނަ އެންމެ ބޮޑު މަސް ކަމާއި މުޅި ދުނިޔޭގެ ފުން ކަނޑުތަކުން ފެންނަ މަހެއް ކަމަށް ބެލެވެއެވެ. އެއީ އީކުއޭޓަރުން ފެށިގެން އާކްޓިކް އަދި އެންޓާކްޓިކްގެ އައިސްގެ ކޮޅުތަކާ ހަމައަށް ފުޅާ ދާއިރާއެއްގައި ދިރިއުޅެމުންދާ މަހެކެވެ. ނަމަވެސް އެ މަސް އިސްކަންދެނީ ގިނައިން ކާބޯތަކެތީގެ މަސްދަރުތައް ހުންނަ، މޫސުން ރަނގަޅު އަދި ހޫނު މޫސުމުގެ ކަނޑުތަކުގައި އުޅުމަށެވެ.
ސްޕަރމް ވޭލްސް އަކީ ވަރަށް ގިނައިން ދަތުރުކުރާ އެއްޗެއް ކަމުން، ކާނާ ހޯދުމަށާއި މަސް އާލާކުރުމުގެ ބޭނުމުގައި މޫސުމަށް އަންނަ ބަދަލުތަކާ އެއްގޮތަށް ހަރަކާތްތެރިވެއެވެ. މިއީ މައިގަނޑު ގޮތެއްގައި ފުން ކަނޑުގައި ހުންނަ ސްކިއުޑް އާއި މަސް ކާ، 2،250 މީޓަރު (7،382 ފޫޓު) އާ ހަމައަށް ފުނަށް ކަނޑު އަޑިއަށް ފީނައި، ގަޑިއެއްހާއިރު ވަންދެން ނޭވާ ނުލައި ތިބެވޭ މަސްތަކެކެވެ.
ނަސްލު އުފެއްދުމުގެ ބޭނުމުގައި، ހޫނު ފެންގަނޑުގައި މީގެ އަންހެންމަހާއި ޒުވާން ފިރިހެން މަސް އިޖުތިމާޢީ ގުޅުންތައް އުފައްދާއިރު، ފިރިހެން މަސް އެކަނިވެރިކަމުގައި ނުވަތަ އަންހެން މަހެއް ނުލިބިފައި އުޅެން ޖެހެއެވެ.
ސްޕަރމް ވޭލްސް ބަލަން ބޭނުންނަމަ މި މަސް ގިނައިން ފެންނަ، މަދު ތަންތަން އެބަހުއްޓެވެ. ނިއުޒީލެންޑްގެ ކައިކޯރާ އަކީ މުޅި އަހަރު ދުވަހު ސްޕަރމް ވޭލްސް އުޅޭ ޖަގަހައެކެވެ. އެއީ އައްސޭރިފަށާ ކައިރީގައި އޮންނަ ފުން ކަނޑުއަޑީގެ ފުނުގައި ސްކުއިޑް މަސް ގިނައިން އުޅޭތީއެވެ. ޕޯޗުގަލްގެ އަޒޯރސް އަކީ ސްޕަރމް ވޭލްސް ބެލުމަށް ދާން ރަނގަޅު އަނެއް ތަނެވެ. އެ މަސްތައް އޭޕްރީލް މަހާއި އޮކްޓޯބަރު މަހާ ދެމެދު ޖަޒީރާ ސަރަހައްދުތަކަށް ޒިޔާރަތްކޮށް ނަސްލު އުފެއްދުމާއި އިޖުތިމާއީ ގުޅުން ބަދަހިކުރަން ހަރަކާތްތެރިވެއެވެ. ކެރިބިއަން ސަރަހައްދުގެ ޑޮމިނިކާ ހިސާބަށް ވެސް ނޮވެމްބަރު މަހުން ފެށިގެން މާޗް މަހުގެ ނިޔަލަށް ސްޕަރމް ވޭލްސް ނަސްލު އުފައްދައި އިޖުތިމާއީ ގުޅުން ބަދަހި ކުރަން އަންނަތަން ފެނެއެވެ. މީގެ އިތުރުން ދިވެހި ރާއްޖޭގެ އިންޑިޔާ ކަނޑުގެ ސަރަހައްދުން ޑިސެމްބަރު މަހާއި އޭޕްރީލް މަހާ ދެމެދު ދެކުނު އައްސޭރީގައި ގިނަ އަދަދަކަށް ސްޕަރމް ވޭލް ފެނިފައިވެއެވެ.
ނިންމާލަމުން ދަންނަވާނަމަ މާވަހަރަކީ ސްޕަރމް ވޭލްގެ ހަޖަމުކުރުމުގެ ނިޒާމުން އުފެދިފައިވާ ޝައުގުވެރި އަދި އަގުހުރި މާއްދާއެކެވެ. މިއީ އަތަރާއި ސެންޓު އުފެއްދުމުގައި ބޭނުން ކުރުމަށްޓަކައި ވަރަށް ގިނަ ބަޔަކު ހޯދާ އެއްޗެކެވެ. ސްޕަރމް ވޭލްގެ އާބާދީއަށް މިހާރު ގޮންޖެހުންތަކެއް ކުރިމަތިވެފައި ވުމާއެކުވެސް ދުނިޔޭގެ އެކި ތަންތަނުން މި ވޭލްތައް އަދިވެސް ފެންނަމުން ދެއެވެ. މިއީ ބަލާލަން ޝައުގުވެރިވާ ކަހަލަ މަސްތަކެކެވެ. އަދި ރައްކާތެރިކަންވެސް ދޭން ޖެހިފައިވާ ބާވަތެކެވެ.
