ފެމިލީ ގްރޯސަރ ތަފާތު ވަނީ މިހެންވެގެންނެވެ. ރޯދަމަހު ވިޔަފާރި ކޮށްލަން ފެމިލީ ގްރޯސަރ އަށް ދާންވީ ވެސް މިހެންވެގެންނެވެ.

ރަމަޟާން މަހާ ދިމާކޮށް ފެމިލީ ގްރޯސަރ އިން ފެށި ހާއްސަ ޕްރޮމޯޝަނެއްގެ ދަށުން، މާރިޗު 18 އިން ފެށިގެން މި މަހުގެ ނިޔަލަށް އެ ފިހާރައިން ކުރާ 100ރ.ގެ ކޮންމެ ވިޔަފާރިއަކަށް 10ރ.ގެ ކޭޝް ވައުޗަރެއް ދެއެވެ. މި ގޮތުން 500ރ.ގެ ވިޔަފާރިކޮށްފި ނަމަ އޭގެ ފަސް ވައުޗަރ ލިބޭނެއެވެ. އެ ވައުޗަރުތައް ބޭނުން ކޮށްގެން، އެއީ ވެސް ރުފިޔާ ކަމުގައި ބަލައިގެން، އަނެއްކާ އެހެން ފަހަރަކުން ވިޔަފާރި ކުރެވޭނެ އެވެ.

އެކަމަކު އެހެން ވާހަކައެއް ވެސް އެބައޮތެވެ. މި ޕްރޮމޯޝަން ކުރިއަށްދާ ދުވަސްވަރު ފެމިލީ ގްރޯސަރ ލޯޔަލްޓީ ޕްރޮގްރާމްގެ ޕޮއިންޓް ނުލިބޭނެކަން ހަނދާންކުރަންވާނެއެވެ. އަދި މި ޕްރޮމޯޝަންގައި ކޭޝް ވައުޗަރ ބޭނުންކުރެވޭނީވެސް މި މަހުގެ ނިޔަލަށެވެ.

އާއިލާގެ ކުދި ބޮޑު އެންމެން ވެސް ފެމިލީ ގްރޯސަރ އިން ވިޔަފާރިކޮށްލަންޖެހޭ މައިގަނޑު އަނެއް ސަބަބަކީ އެ ފިހާރައިން ލިބޭ މޭވާ އާއި ތަރުކާރީގެ ތާޒާކަމެވެ. އެއީ އާފަލް ކަމުގައި ވިޔަސް، އަންނާރު ކަމުގައި ވިޔަސް، ކަރާ ނޫނީ އޮރެންޖު ކަމުގައި ވިޔަސް އަދި ގްރޭޕްސް ކަމުގައި ވިޔަސްމެއެވެ. އެހެންވުމުގެ އަސްލަކީ ދުނިޔޭގެ އެކި ތަންތަނުގެ ތާޒާ މޭވާ އާއި ތަރުކާރީގެ އައު ޝިޕްމަންޓެއް ހަފުތާއަކު ތިން ދުވަހު ފެމިލީ ގްރޯސަރ އިން ގެންނާތީއެވެ. މީގެ ބޭނުމަކީ ކަސްޓަމަރުންނަށް އެންމެ ތާޒާކޮށް މޭވާ އާއި ތަރުކާރީ ފޯރުކޮށްދިނުމެވެ. އޭގެ އިތުރުން ގިނަ އޯގެނިކް ބާވަތްތައްވެސް ފެމިލީ ގްރޯސަރ އިން ލިބެން ހުރެއެވެ.ހެންވޭރު ޖަނަވަރީ މަގުގައި މީގެ ދެ އަހަރު ކުރިން، ޖުލައި 2020 ގައި، ހުޅުވުނު ފެމިލީ ގްރޯސަރ އަކީ މިހާރު ގިނަ ބަޔެއްގެ މެދުގައި ވަރަށް މަޤުބޫލު ފިހާރައަކަށް ވުމުގައި އެންމެ ތާޒާ މޭވާ އާއި ތަރުކާރީ ލިބެން ހުރުމުގެ އިތުރުން، މުދަލުގެ އަގު ހެޔޮވުމާއި ކަސްޓަމަރ ކެއަރގެ ފުރިހަމަކަން ފާހަގަކުރެވެއެވެ.