މާލޭ ހުކުރު މިސްކިތުގެ މުންނާރާއި ފެންވަޅުތަކުގެ އާބާތުރަފިލުވުމުގެ މަސައްކަތް ސްޓެލްކޯ އިން މިއަދު ފަށައިފިއެވެ.
ހުކުރު މިސްކިތާއި މެދުޒިޔާރަތުގެ އާބާތުރަފިލުވައި ސާފުކޮށް ބެލެހެއްޓުމުގެ މަސައްކަތަކީ 2019ވަނަ އަހަރުން ފެށިގެން ސްޓެލްކޯ އިން ކުރަމުން އަންނަ މަސައްކަތެކެވެ.
މި ޕްރޮގްރާމް މިއަދު ފަށްޓަވައިދެއްވީ ތަރިކައާބެހޭ ވަޒީރު ޔުމްނާ މައުމޫނާއި ސްޓެލްކޯގެ މެނޭޖިންގ ޑިރެކްޓަރ އަހުމަދު ޝަރީފެވެ.
މި ރަސްމިއްޔާތުގައި ވާހަކަ ދައްކަވަމުން ޝަރީފު ވިދާޅުވީ މިއީ ސްޓެލްކޯގެ މުވައްޒަފުންގެ ވަރަށް މުހިންމު ޒިންމާއެއްގެ ގޮތުގައި ދެކިގެން ކުރަމުން އަންނަ މަސައްކަތެއް ކަމަށެވެ. އަދި ކުރިއަށް އޮތް ތަނުގައި މަހަކު އެއްފަހަރު ހުކުރު މިސްކިތުގެ މުންނާރާއި ވަޅުތައް ސާފުކުރާނެ ކަމަށެވެ. އޭނާ އަދި ވިދާޅުވީ ސްޓެލްކޯ އިން މިހާރު ނިންމާފައި ވަނީ މާލޭގައި ހުރި އާސާރީ އެފަދަ އެހެން ބިނާތައްވެސް މިގޮތަށް ސާފުކޮށް ބަލަހައްޓައިދިނުމަށް ކަމަށެވެ.
advertisment
