ރޯދަމަހާ ދިމާކޮށް މާލޭ ބާޒާރުގައި ރަނަށް ވެފައި ހުރި ލުނބޯގެ ޝިޕްމަންޓެއް އެސްޓީއޯއިން ގެނެސް، ކިލޯއެއް 45ރ.އަށް ވިއްކަން ފަށައިފިއެވެ.

އެސްޓީއޯ އިން ބުނީ މީހަކަށް ކިލޯއެއްގެ މަގުން އެސްޓީއޯ ޕީޕަލްސްޗޮއިން އިން އަދި މީހަކަށް ތިން ކިލޯގެ މަގުން އެސްޓީއޯ އެގްރިސެންޓަރުން މިހާރު ލުނބޯ ލިބެން ހުންނާނެ ކަމަށެވެ.

ކުރިން އާންމު ގޮތެއްގައި 20ރ. އަށް ލުނބޯ ކިލޯއެއް ހުރި ނަމަވެސް، ރޯދަ މަސް ފެށެން ކައިރިވިއިރު ލުނބޯ ކިލޯއެއްގެ އަގު 500ރ. އަށް ވެސް އެރިއެވެ. ނަމަވެސް އިއްޔެ ބާޒާރުގައި ލުނބޯ ކިލޯއެއް ހުރީ 150ރ. އިން ތިރީގެ އަގުތަކެއްގައެވެ.

އެސްޓީއޯ އިން ބުނީ، އެސްޓީއޯއިން ލުނބޯ އެތެރެކޮށް ވިއްކަން ނިންމީ "މިވަގުތު ބާޒާރުގައި ލުނބޯގެ އަގު މައްޗަށް ދިއުމާ ގުޅިގެން އާއްމު ރައްޔިތުންނަށް އަގުހެޔޮކޮށް ލުނބޯ ލިބޭނެ އިންތިޒާމެއް ހަމަޖެއްސުމަށް" ކަމަށެވެ.

ލުނބޯގެ އަގު މިހާ މައްޗަށް މި އެރީ އާންމު ގޮތެއްގައި ރާއްޖެއަށް ލުނބޯ އެތެރެކުރާ ވިއެޓްނާމުން ޝިޕްމަންޓު އައުން ލަސްވެގެން ކަމަށް ބައެއް ވިޔަފާރިވެރިން ބުނެއެވެ. ވިއެޓްނާމުން ގެންނަ ލުނބޯ ވެސް މި ހަފުތާތެރޭގައި ލިބޭނެ ކަމަށް ވެއެވެ.

Following the rising rate of Lemons in the market right now, we are happy to announce that, Fresh Lemons are available for sale with us as below

Price per kg: MVR 45

▪️1 kg per head to be sold at @stopc_mv
▪️3 kg per head to be sold at @stoagricenter

— STO (@stoplc) April 4, 2022