ދިވެހި ގައުމުން ފުކެއްވެސްވެލި ޖަހައިގަންނަން ނެތީމެ ރުހެން
ދިވެހިބިން ވެރިކުރަން ދިދައެއް ބަޔަކު ޖެހުމަށް ނެތީމެ ރުހެން
ސިޔާދަތު އިހުޒަމާނުއްސުރެ މިދީބުގެ ފޭރެމުން ދާއިރު
ޚިޔާލެއް އަދި ވިޔަސް ފިކުރެއް ނުކޮށް ނުތިބޭ ހުށިން ފުދިގެން
އިހަށްވެސް ދިވެހިކާބަފައިން ނެތަސް ކަނޑިބަޑި ތަކެއް އަތުގައި
ވިހައިގައި ފިނޑިކަމުގެ މަރުނުވެ ދިފާޢު މިނިވަން ކުރީ ކެރިގެން
ތަނަށް ވެރިވާން ފުރެތިކާލުން އުޅުނު ދުހުގައި ދެތިން ފަތްކޮޅު
ވަޠަނުގެ އިމާމެދަށް ނުވަވަނަ ޙަސަން އެފޮނުއްވި ގޮތް ދަނެގެން
ދިވެހި ދައުލަތުގެ ހުއްދަ ނެތީސް މޮރަސްބީ ޗާޓުކުރެހި ގޮތާ
ދިވެހިދަރިއަކު އެކަމުގައި އިސްވެ ހުރިކަންވެސް ހަނދާން ހުރެގެން
އެޗާޓު ތަކުން ދިވެހި ގައުމުގެ އެތައްރަށް ދައުލަތާ ވަކިކޮށް
އެޗާޓުގެ ރަށްތަކާ ދިވެހީން ފެޔަށްލީ ސަބަބު އަދު ދަނެގެން
އެއިން އެއްވެސްކަމެއް ލިޔެފައި ފޮތެއް އޮތްނަމަ އެފޮތް އަތުލައި
އެއިން އެއްޗެއް ނުފެންނަގޮތަށް ޖެހީހުޅުކަން މިއަދި ދަނެގެން
ވަޠަންގެ ދިފާޢުގައި ތެދުވަން މިއަދު މިއޮތީ އަލުން ޖެހިފައި
ރަތަށް ރުޅި މިންކުރާކަށިގޮސް އަރަންދެން ނުތިބެމާހޭ ދެން
