މާލޭގެ މިސްކިތެއްގައި ހުރި ފަންކާއެއް، ޒުވާނަކު ވަގަށް ގެންދާތަން ފެންނަ ވީޑިއޯއެއް މީސްމީޑިއާގައި ދަރުވަމުން އެބަދެއެވެ.

އެ ވީޑިއޯގައި ފެންނަނީ އިމާމާ އަށް ފިނިކުރަން ބަހައްޓާފައި ހުރި ބޮކްސް ފޭނެއް، ކަކުލާ ހަމައަށް ފައިކުރި އޮޅައި، މާސްކް އަޅައިގެން ހުރި ޒުވާނަކު މިސްކިތަށް އަރައި، ދެފަރާތް ބަލައިލައިފައި، ކަރަންޓު ވާގަނޑު ލުއްސާލައިގެން ހިފައިގެން އަވަސްއަވަހަށް ފައިބާތަނެވެ. އޭރު މިސްކިތުގައި އެއްވެސް މީހަކު ފެންނާކަށް ނެތެވެ.

ކުރީގެ އިންޖީނުގޭ ކައިރީގައި ހުންނަ، ސަލާހުއްދީން މިސްކިތުގެ ފަންކާ ވަގަށް ނަގައިފައިވަނީ އިއްޔެ ހެނދުނުއެެވެ.

މިސްކިތުގެ ސީ.ސީ ކެމެރާ އިން އެތަން ރެކޯޑްވާ ކަމެއް އެ ޒުވާނާއަކަށް ނޭނގެއެވެ.