ރާގު: ގައުމަށް އަައި މިނިވަން ނޫރާނީ…
ދިވެހީންގެ ވަޠަން ދިވެހީން ގުޅިގެން ހޯދާން ކެރިގެން އަތްތައް ގުޅަމާ
ދިވެހީންގެ ބިމާ ދިވެހީންގެ ކަނޑާ ބެހުމަށް ދިވެހީން ނޫނޭ ބުނަމާ
ގައުމީ ޅަޒުވާން ޖީލުން ކެރިގެން، ތެދުވާނެ މިދީބަށް ޖާނުދެމުން
ގައުމީ ބަޠަލުން ފަދައިން ކެރިގެން، ނަފުސާ ރޫޙާ ޤުރުބާން ކުރަމާ
ލޭފޮދު މިބިމަށް އޮހޮރާލެއްވެވި، ބަޠަލުންގެ ހަނދާންތައް އާލުރަމުން
ލޭފައިގެ ރިވެތި ދަސްތާ ގަތަމުން، ލޯބީގެ ވެދުންތައް ގިނަ ކުރަމާ
އުތުރާ ދެކުނުން ހަތްދަރަޖަ ތެރަށް، ވަދެގެން ވެރިވާނޭ ޖާގަނުދޭން
އުތުރާ ދެކުނާ ގުޅިގެން އެކުގައި، ހޭލައި މިވަޠަން ރައްކާ ކުރަމާ
ދުޝްމިނު ނިޔަތަކު އަޔަކަސް ބަޔަކަށް، އެއްފުއް ވެލިވެސް ދޫކޮށްނުލުމަށް
ހުސްވެ މިއެންމެން މަރުވަންދެންވެސް، ގައުމު ސަލާމަތް ގުޅިގެން ކުރަމާ
އުތުރާ ދެކުނުން ގެއްލުނު ތަންތަން، އަނބުރާ ހޯދުން ހުއްޓައި ނުލުމަށް
ކުތުބާ ފިލަޔާ ހާވައި ބަލަމުން، ތާރީޚީ ހެކި ނެރެ މަތިކުރަމުން
އިސްތިޢުމާރީ ބިޔަ ބާރުތަކުން އަތްދަށުލީ ހުރިހައި ފަޅުރަށްތައް
މިޞްރާބު ޖަހައި އެދިމާޔަށްގޮސް ދިވެހީންްގެ ދިވެހި ދިދަތައް ނަގަމާ
