ޒަމާން ދުނިޔޭގެ ފަސްވެއްޖޭ ޤިޔާމަތް ދާދި ގާތް ވެއްޖޭ
އަމާންކަން ބިމުގެ ނެތިވެެއްޖޭ ޢަލާމާތުން ބަޔާން ވެެއްޖޭ
މިސައިލާ ބޮންތަކާ ބަޑިޔާ ހަދައިގެން އޭގެ ނިވަލަށްވަދެ
މިޝަންތައް ވެރިކަމުގެ ހިންގަން ވެރިންތިބިކަން ބަޔާންވެއްޖޭ
ހަދައިގެން އެކިޖަމާޢަތްތައް ތިބޭނަމަވެސް ވެރިންހުރިހައި
އަނދައިގެން ނަސްލުތައްދިޔުމަށް ރުހޭކަން އެނގި ޔަޤީންވެއްޖޭ
ލިޔަސް ބިޔަކޯޓުތަައް ހުޅަނގާ މެދާ އިރުމަތިފަރާތު ވެރިން
ދިޔައި އިންސީންގެ ގިންތީން ނުކުމެގެންކަން ސާފު ކުރެވެއްޖޭ
ޚަލީފާއިންގެ ގޮތުގައި ބިންމަތީ ލެއްވެވި މި އިންސާނުން
އަލީގައި މާތްވި ޤުރުއާނުން އެނގޭ ސިފަޔަށް ބަދަލު ވެއްޖޭ
ފުރާނަ ލެޔާ މަހާ ކައްޓާ ނޮޅަން ޖެހިލުން ނުވޭ މީހުން
ކުރާކަށް އެފަދަ ޢަމަލެއް އަދު އެހައިވެސް ލާރި އިސްވެއްޖޭ
ނުވާއިރުބިންމަތީ "ޔޫއެން" އުޅުނެ އެތަކެއް ވެރިންޢަދުލުގެ
ޒުވާބެއް ނެތް ގޮތުން ކިސްރާ، ނަޖާޝީ، ހިނެފައި ވެއްޖޭ
ޔަހޫދީން އަތްމަތީން ގާއިމު ނުވާކަން ޞުލްޙަ ދުނިޔޭގައި
ނަޙޫޞަރުފުގެ ރޮނގުން ފުރިހަމަ ކަލާންފުޅު ފެނި ޔަޤީންވެެެއްޖޭ
އެކަކުއަނެކަކު ކުފުރުކުރުމުން ދުރެވެ އުއްމަތް ނުކޮށްފުނޑުފުނޑު
އެކަތަފަދަ އުއްމަތުގެ އެންމެން ބަދަހި ގުޅުމެއް ގުޅެންވެއްޖޭ
ފަލަސްޠީނާ އެނޫން ތަންތަން ސަލާމަތް ވާނެކަން އެގޮތުން
ގަލަންތައް ލިޔުނު ތާރީޚީ ޞަޙީފާ ދަސްކުރަން ވެއްޖޭ
