ނިޔާމައިގައި ދަތުރުކުރުމަށް އެދޭނަމަ ކަނޑުދަތުރު ތަކުގައި
ރިޔާ މިޔަހެލި ނަކަތް މެދުގައި ކުރީ ޖައްސާށެ އިރުވަރުލައި
ފުރާ އިރުވަރުގެ އޯގަ ހެވަސް ދިމާ ސަމުގާގެ ނޭނގެންޏާ
ތުރާތައް ދަތުރުގައި ކުރިމަތި ވެގެން އަންނާނެ ދާ މަގުގައި
ޖެހޭވައިވަރު ވިޔަސް ހެޔޮވަރު ރިޔާ ފޮޅުވައިލުމަށް ދަތުރަށް
ޖެހޭވައިވަރު ނުވާނޭ ފަހި ދިމާ އިދިމަތި ވެފައި ހުއްޓައި
ވިލާދުނި މަގަތުގައި ހުއްޓައި ފެނުން ތޮޅިލާ ވިލާޔަށް ވުރެ
ޚިލާފެއް ނެތި ބުނޭ ކެޔޮޅުން ނުދާށޭ ދުއްވުމަށް ކަނޑުގައި
ނަގާ ހުރިހައި ވިލާތައް ކެހި ވަޔަށް ވާނޭ ހިތާ ނަމަވެސް
ނަގާ ހުރިހައި ވިލާގައި ނެތި ނުދާނޭ ކެރި، ވަޔާ އެކުގައި
ބުރުނު،ރޯނާ،ފުނޯސް،ނޮރަ، ފަދަ ނަކަތް ލައިގަންނަ ރޭރޭގައި
ފުރުން ދިގުދަތުރަކަށް ނުވެޔޭ ސަލާމަތްތެރި ކަމެއް ކަމުގައި
ހަނދާ ތަރިއެއް މެދަށް އައުމުގެ ކުރީން ފެނި ހާމަވީ ނަމައީ
ހަނދާންކުރެ! ކަނޑު ހުރަސްކުރުމަށް ހަތަރުދަންދޭނެ އާ ދުހުގައި
ނިޔާމައިގައި ވަނީ ދަތުރެއް އޮޔާ ވައި މޫސުމާ އެނގިފައި
ކިޔާފައި ހުރިގޮތަށް ނިޔަމީން ސަމާލުވެ ހުރެގެނޭ ހޭލައި
