ހުޅަނގާ ޢަރަބި ބައްރުގެ މަދަދު ލިބިފައި ޔަހޫދީންނަށް ވެޔޭ
އުޅަނދާ ބޮމާ ބޮޑު ބަޑިތަކުން އިޒުރޭލު ހިތް ރުއްސައިދެޔޭ
ރުސުލުންގެ މާތް ދޫފުޅު މަތީން ލަޢުނަތް އެމީހުންނަށް ވިޔަސް
ރުސުލުންގެ ބަސްފުޅަކަށް ބޮލެއް އެވެރިން ސަފުން ނުލަނބާމެޔޭ
ދުނިޔޭގެ މާ މަތިވެރި ތަނެއް ކަމުގައި ދެކޭ ޔޫ.އެން. އަކީ
އުނިިކަމުގެ ޙައްދެއް ނެތް ނުބައި މަރުކަޒު ކަމެއް ނުދަނޭމެޔޭ
ދައުލަތް ތަކަށް ޔޫ.އެން. ވަރެއް ނެތިގެން އުޅޭތީ ކޮސްވެޔޭ
ދައުލަތްތަކުގެ ނިންމުން ބޮލާލައި ޖެހިޔަކަސް އޯކޭވެޔޭ
ކައުނުގެ ތެރޭ އެެއްވެސް ތަނަކު ނުޖެހޭ ބިމެއްކަން ދުނިޔެއީ
ފައުޅުވެ އެނގޭ އިރުވެސް ބިރެއް ހީވާ ބަޔަކު ނޫޅޭ މެޔޭ
އިންސާނިޔަތުކަން ހުރި ނެތޭ ޔޫ.އެން. ގެ މެންބަރު ދައުލަތެެއް
ވިސްނައި ފިކުރު ހިންގައިލުމުން މޭރުން އެކަން ކުރެވޭނެޔޭ
ރަޙުމެއް ނުވާ ހާނިއްކަދީ މަރަމުން ފަލަސްޠީނީން ދިޔަސް
އަޚުވަންތަ ނަޒަރުން ދެކެއުޅޭ މުސްލިމު ބަޔަކު އަދު ނޫޅެޔޭ
އާރާއި ބާރާ އަދި މުދާ މީހުންގެ ޢަދަދާ މަދު ކަމަކު
ބާރާ ނުލައި ހަތިޔާރަކުން ދިވެހީން އެހީތެރިވޭ މެޔޭ
