ޙަމަލާ ތަކުން އިރާނުދޭ އިޒްރޭލު ރޯކޮށްލައިފިޔޭ
ޒަމަނުގެ މިހިނދުކޮޅު ލިޔެވިގެން ތާރީޚުގައި ފެވިލައިފިޔޭ
ދެކެގެން ތިމާމެންވަރުބައެއް ނެތްކަމުހިތައި ވިޔަކަސްބޮޑާ
ރެކެވޭނެގޮތް ޙަމަލާ ތަކުން ނެތްކަން ފަޟީޙަތް ވެއްޖެޔޭ
ޢަރަބީންގެ ބިންތައް ފޭރިގަނެ އިޒުރޭލު ފާކުރުމުގެފަހުން
ކަރައިން ޢަރަބި އިސްނެގި ވެރިން ޙަމަލާ މިފަދަ ދީފިޔޭ
ޝައްވާލު ހަތަރެެެއްވީ ވދުވަސް އާދީއްތަޔަށް ވީރޭ ފަތިހު
ކައްސާނުލާ މިޞްރާ ބަކުން އީރާނު ޙަމަލާ ދީފިޔޭ
ތަރިތައްފަދަވި އުޑުގައިވިދާ އުދުހޭ ޑްރޯނު މިސައިލުތައް
ފަރިމަންޒަރެެެއް ދައްކާލުމަށް ފަހުގައި އެތަން ރޯކޮށްލިޔޭ
ސިހިގެން ޔަހޫދީންތައްބިރުން މަގުތައްމަތީ ދުވެޔޭރޮމުން
ކިހިނެއްކަމެއް މިވަނީ ނުއެނގި ސަހަރޯގޮވައި ހަދަމުންދެޔޭ
ބައިޑަންކިޔާ ނުލަފާ ކަލޯ ރުޅިގަދަވެދޭ އިންޒާރަކަށް
ފައިތިލަ ނުލައި ސޮއްސައި ޙަމަލަ އީރާނު ރޭގައި ދީފިޔޭ
އިނގިރޭސިދައުލަތް އެކަމުގައި އަތުގައިހިފައިގެންއެމެރިކާ
ހިނގިޔަސް ދިފާޢުކުރަންހިތައި ކުރެވުނުކަމެއް ނުފެނޭމެޔޭ
ނަޞްރާފަތަޙަ މުޅިއުއްމަތަށް ދެއްވުންއަދައިގެން މިހިނދުގައި
ފަސްއިރު ނަމާދަށްފަހު ދެއަތް އުފުލައި ދުޢާކޮށް ދޭށިޔޭ