ރާގު: މި ބިމުގައި އެންމެ ފަރިވާދީ…
ދެދޭހަށް ކައު ނަބިއްޔާއޭ، ޚަލީލީ ދަޢުވަތުން ފަރިވީ
ހެދޭ ގަސްތައް ވެފައި ތާޒާ، ހިޔާ ފިނި ބިންމަތީ ވެރިވީ
ޒަމާނޭ އޭގެ ކުރިބޯށީ، ޖަހާލަތު އެންމެ އުހުގައިވީ 2
ސަމާވީ ވަޙުދަތުގެ އަސަރޭ، ހިޖާޒުގެ ބިންމަތީން ހުސްވީ
އުޖާލާ އެންމެ ނޫރާނީ، ވިދާ ރަންތަރި ސަމާގައިވީ 2
ޢަޖާއިބުތައް ބިޝާރާތުން، ނަބިއްޔުން "ނަބައު" ގައި ދެއްވީ
ޒަބީޙުގެ ހިޖުރަ މައްކާޔާ، އިލާހީ ސިއްރު ގުޅިފައިވީ 2
ނަބީޔޭ މާތްވި ޢަދުނާނީ، ނުބުއްވަތުގައި އެ މަތިވެރިވީ
* މި މަދަޙަ ޚާއްޞަކުރެވިފައިވާ ފަރާތް: ޒާހިލް އިބްރާހީމް ރަމީޒް