މިއަހަރު ދެކުނުން އުތުރަށް އިރު ކުރާ ދަތުރުގައި ރާއްޖެ އޮންނަ ޢަރުޟަށް 18 މާރިޗުގައި މާލޭގަޑިން މެންދުރު 1:00 ގައި އާދެއެވެ. އެ ވަގުތު އިރު ހުންނާނީ ރާއްޖެއަށް ވުރެން ހުޅަނގަށް ގޮސް އައްޑޫ ގަމުގެ 12 ނޯޓިކަލް މޭލު ހުޅަނގުން އައްޑޫގަން އޮންނަ ޢަރުޟު ކަމުގައިވާ 41 ދަގީގު މަތީގައި ދެކުނުގައެވެ.
އެހެންކަމުން، ރާއްޖެ މަތިން މިއަހަރު އިރު ހުރަސްކުރަން ފަށާނީ މި މަހުގެ 19 ވާ އަންގާރަ ދުވަހުން ފެށިގެންނެވެ.
މި އަހަރު ޚައްޠުއިސްތިވާއަށް އިރު އަންނާނީ މި މާރިޗް މަހުގެ 20 ވަނަ ދުވަހު މާލޭގަޑިން 08:00 ގައެވެ. އެވަގުތު އިރު ހުންނާނީ އޮސްޓްރޭލިޔާއާއި ޖަޕާނާ ދެމެދުގައެވެ. އެއީ 136 ވަނަ ޚައްޠު ޠޫލުއާއި ޚައްޠު އިސްތިވާ، ރަސްގެވާ (ކްރޮސްވާ) ތަން ނުވަތަ ޕޮޒިޝަނުގައެވެ.
One Response
ގިނަ ޤައުމުތަކުގައި ރޯދަމަސް ފެށީ 12 ގައެވެ. 11 އަކު ނޫނެވެ.
ސްރީލަންކާ 12، އިންޑިއާ 12، ބަންގްލަދޭޝް 12، ޕާކިސްތާނު، އަފްޣާނިސްތާން 12، އީރާން 12، އިރާޤް (ބައެއް މީހުން 12) އުރުދުން 12، އޮމާން 12، މެލޭޝިއާ 12، އިންޑޮނީސިއާ 12، ސިންގަޕޯރ 12. މި ޤައުމުތަކުގެ ޖުމުލަ އާބާދީ އަކީ މުސްލިމުންގެ ބޮޑު ބައެވެ. ސަޢޫދީގައި ހަނދު ފެނުނުކަމަށް ބުނާ ބުނުން ފަލަކީ ޢިލްމުވެރީން ދޮގުކުރެއެވެ.