ބަނަކަން ދިވެހި ޖައްވުން ފިލައި އަލިފާއްދަނީ
ހަނަފަސް ކަމާ މޫސުން ޚަރީފު ފިލައިދަނީ
އަދަބާ ބަހަށް ރޯޝަން ދުވަސްވަރު އަންނަނީ
މަދަދެއް އެއަށަ ދައުލަތު ވެރީން އަދު ދެއްވަނީ
ހީނަރުވެ ބަސް އުވިގެންނުދާ ގޮތް ހޯއްދަވަން
ފުންކަނޑުތަކާ ތިލަ ފަޅުތަކަށް ފީނުއްވަނީ
ޑޮކްޓަރު މުޢިއްޒުގެ ވެރިކަމުގެ އިސް ވަޢުދުފުޅު
ގައުމިއްޔަތުގެ އަރުކާނު ގަދަކޮށް ދެއްވަނީ
ވާގޮތް ނުވިސްނައި ހޭނުލެވި ތިބެވުނު ކަމުން
ޖީލަށް ޅަފަތު ހަމަތައް ބަހުގެ އޮޅެމުންދަނީ
ފުރަތަމަ ފަހަރު އެކަމަށަ ވުޒާރާ ހައްދަވައި
ހުރަހެއް ގިރާ ކުރުމަށް އަމުރު ކޮށްދެއްވަނީ
މިހިނދަށް އެއޮޑި ދުއްވޭ ވަރުގެ މޮޅު ކެޔޮޅަކާ
ހުންގާނު އުޅަނދުގެ އަދު ޙަވާލު ކުރައްވަނީ
އާދަމް ނަޞީރާއެކު އޮޑީން ކުރުމަށް ދަތުރު
އުހަލާއެކު އެކިރަށްރަށުން ބައިވެރިވަނީ
އުދަރެސް އިރުން ދޮންކުލަ ޖަހައިލީ ތަންވަޅަށް
އުދަމޫސުމެއް ކަމުގައި ވިޔަސްމެ ފުރުއްވަނީ
ރަހަދާނަ އޯގައިގައި އޮޑީ ކުނބު ކަފި ޖަހައި
އާނާންދަ އޯގައިގައި ރިޔާބައި ފޮޅުވަނީ
އުތުރާއި ދެކުނަށް ދުއްވުމަށް ވައި ފަހިވެލައި
ވައިވަޅު މުރިނގު އީރާނުގައި މަޑުޖެހިލަނީ
