ރާގު: މުޖެ ދަރްދެ ދިލްކަ ޕަތާ ނަތާ…
ގިސްލާ އެރޯ ރުއިމުގެ އަޑެއް އިވެމުން ނުދޭ އަދު ދުނިޔެއަށް
ޖިސްމާ ފުރާނަ އެތައް ފަލަސްޠީނުން ލިޔަސް ހުސްކޮށް އެކަށް
މައުޞޫމުވީ ކުޑަކުޑަ ކުދިން ކުށަކާ ނުލައި މަރަމުން ދިޔަސް- 2
ފައުޖުން ޔަހޫދީ ބޮން އަަޅާ މަންޒަރު ސަފުން ނުފެނޭ ލޮލަށް
ފުނޑުފުނޑު ވެފައިވި ގެދޮރު ދަށުން މީހުންނެތޭ ނެރެވޭނެގޮތް- 2
ފުނޑުފުނޑު މުޅިން ކުރުމުން ފަލަސްޠީނުގެ ޢިމާރާތްތައް އެކަށް
ޣައްޒާ ވުޖޫދުން ފޮހެލަމުން ގެންދާ ދިއުން ހުއްޓޭނެ ގޮތް- 2
ސައްލާ ތަކުން ހޯދޭން މަގެއް ފެނިއެއް ނެތޭ ޢަރަބީން ނަކަށް
ކާނޭ ގޮތެއް ބޯނޭ ގޮތެއް ނެތުމުން ވަރަށް ބިކަ ޙާލުގައި- 2
ދާނޭ ތަނެއް ވަންނާން ތަނެއް ނިވަލެއް ނެތޭ އެވެރިން ނަކަށް
ފަރުވާ ލިބޭނެ މަގެއް ނުވޭ ނައްތައި ލުމުން ހޮސްޕިޓަލުތައް- 2
މަރުވާ ޝަހީދުން ކަފުނަކުން ފޮރުވައި ލެވޭން ނެތި ވަޅުލުމަށް
ހުޅަނގުން ކުރޭ ގިނަ މަދަދުތައް ހަތިޔާރުދީ އަދި ވާގިދީ- 2
އުޅަނދާ ބޮމާ ބިޔަ ޓޭންކަރާ ވަރުވަރު މިސައިލު ދެޔޭ ވަރަށް
އަނިޔާ ތަކުން ހިހުލެއް ލިބެން ނެތުމުން ވަޠަން ކުރުމަށް ނަޖާ- 2
އަނިޔާތަކަށް ކެތްނުވި ހިނދުން ނުކުތީ ޙަމާސް ހަނގުރާމަޔަށް
