ދިގޭ ހީ ކުޅަކަމަކު މީހާ ޢުމުރު ދިގު ކަމުގައެއް ނުވެޔޭ
އެނގޭމީހުން އެކަން ދަނެގެން މަގުންތެދު ސީދަލަށް ހިނގަޔޭ
ލެވޭއިރު ދުނިޔެއަށްހޭ ގެއްލިފައި އަހަރުން ފަނަރަ އޮވެޔޭ
ކެވޭ އެއްޗެތި މަނާވެދެޔޭ ފުރޭއިރު ހަތަރު ފަނަރަ ކިޔޭ
ދޮޅަސްފަސް އަހަރު ފާއިތުވާ ހިސާބުން އަންނަ އުނިކަމުގައި
މޮޅަސް ދެރަޔަސް ނުކުޅެދުންތެރި އެތައް ކަމަކާ ދިމާވެދެޔޭ
އަވަދިނެތި ދުނިޔެއަށް ހެއްލެވި މުދާތައް ފުނިޖަހާން ހުއްޓައި
ލަވައި ފަހަމުން ކަވައި ގެންގޮސް މަރުގެ ދަލު ޖެހި ފަނާވެދެޔޭ
ވުޖޫދަށް ނާންނައިރު ފަދައިން ޖެހޭ ގޮސް ކަށްވަޅަކު އޮންނާން
ނުޖޫމާ އިރުހަނދާ ހުރެޔޭ ތިމާ ކުރިޔަށް މަރުވެ ނިމެޔޭ
ލިބޭ ދުނިޔޭގެ މަންފާތައް ފިލައި އަބަދަށް ވަކިވެ ދިޔަޔަސް
ލިބޭނަމަ އޭގެ ބޭނުމުގައި ކުރަން ޖެހިލުން ކަމެއް ނުވެޔޭ
ޒުވާން ޅަދުވަހު ރަނގަޅު ޢަމަލެއް ނުކޮށް ގެއްލެނި ވަގުތު ކުރުމުން
ނުވާތީއަތު އެ ހިނދުކޮޅުދެން ހިތާމަކުރާން ފަހުން ޖެހެޔޭ
އިލާހުގެ އަޅުތަކުންނާ ދިރިއުޅޭ ދޫންޏާއި ޙައިވާނަށް
ވިލާއިން ވެއްސަވާ ފެންފޮދު ލިބުމުގައި ފަރަގު ވޭހެއްޔޭ؟