ފަޒާގައި ދައުރުވާ ގުރަހަލި ތަކުން ތަރިއެއް މި ދުނިޔެއަކީ
ޢަޒާބެއް ފަދަވި ތާޅަފިލީ އަޑަށް ނެތިދޭ މި ކައުނުއެކީ
ފިނދައިލެވިފައިވި ކަފަފަދައިން ބުރައިގެންދާނެ ފަރުބަދަތައް
ނިދައިފައި ހޭނުލައި އެކަމަށް ތިބުން މީ އެންމެ ދެރަކަމަކީ
ފޮތުންޤުރުއާން ބަޔާންވެއެނގޭ ސައިންސުން ހެކިލިބޭކަންކަން
އޮތުން އެނގިފައި މުހިއްމުވިޔަސް ނުދަތުމޭ ހުރި ހިތާމަޔަކީ
ވަރަށްކުރު މުއްދަތެއްގައިކަން އުޅޭން ލިބެނީ ނުދަންނަކަމުން
މަރަށް ޣާފިލުވުމޭ މީހާ ކުރަން ކުށް އޮންނަ ފުރުޞަތަކީ
ޖަމާކުރެވޭ މުދާ ގިނަޔަސް އަޅާގެދޮރުގެ އަދަދު ގިނަޔަސް
މަޤާމާ ބާރު ގަދަފަދަޔަސް ނުކުރުމޭ ހޭދަ އުނިކަމަކީ
އުޅޭންއޮތް ދާއިމީ ތަނަކީ މިޔެއްނޫންކަން ހަނދާން ނެތުމުން
ކުޅޭން ދުނިޔޭގެ ވަގުތު އެކަށް ހިފޭކަން އޮންނަ ގެއްލުމަކީ
ޤިޔާމަތް އަންނަ ދުވަހެއްކަން ޔަޤީންނުވެ ޝައްކުވާ މީހާ
ޚިޔާލީ ދުނިޔެއެއްގައި އުޅެ ނިމޭކަން ނަރަކަ ދާކަމަކީ
އުޅޭންވާ ހެޔޮ ރަނގަޅު ގޮތްތައް ރަސޫލުން ދެއްވިޔޭ ދައްކައި
އުޅޭ އުޅުމޭ އެގޮތް ދޫކޮށް ޢަޒާބަށް ހުށަހެޅޭ ކަމަކީ