- އިނބަގެ ރަހުމަތްތެރިޔާ ގާތު ސިއްރެއް ނުބުނާށެވެ. އެއީ އޭނާ، އޭނާގެ ރަހުމަތްތެރިޔާ ގާތު އެ ސިއްރުގެ ވާހަކަ އޭނާ ބުނާނެއެވެ.
- ދެ ކައްޕިތާނު ވާ ބޯޓު، އެ ދެމީހުން ވެގެން ފައްތާލާނެއެވެ.
- ހިތްހެޔޮ ބަސްކޮޅަކަށް ދަނގަޑު ދޮރެއް ހުޅުވާލުމުގެ ބާރު ލިބިގެންވެއެވެ.
- ބިރުގަތުމަކުން، މާދަމާގެ ހިތާމަތައް ނެތިކޮށެއް ނުލެވޭނެއެވެ. ނަމަވެސް، އެކަމުގެ ސަބަބުން، މިއަދަށް ލިބިފައި އޮންނަ ބާރާއި ހަކަތަ ހުސްވެ ނެތިދެއެެވެ.
- އިންސާނާ ބަރުދާސްތުކުރާ ވޭންތަކަކީ އޭނާގެ ދޫ އޭނައަށް ދޭ އަދަބެކެވެ.
- އެހެން މީހުންގެ ވާހަކަތައް އިނބަ ގާތު ދައްކާ މީހާ، އެހެން މީހުން ގާތު އިނބަގެ ވާހަކަތައް ވެސް ދައްކާނެއެވެ.
- ރަނގަޅު އެކުވެރިންގެ ސުހުބަތުގައި ކުރާ ދަތުރެއް ދިގެއްނުވާނެއެވެ.
- މުއްސަންޖަކު ބިންމައްޗަށް ވެއްޓިއްޖެ ނަމަ، ބެލެވެނީ އެކްސިޑެންޓެއްވީ ކަމަށެވެ. ނަމަވެސް، ބިންމައްޗަށް ފަގީރަކު ވެއްޓިއްޖެ ނަމަ ބެލެވެނީ އޭނާ ވެއްޓުނީ ރާ ބޮއިގެން މަސްތުވެގެން ކަމަށެވެ.
- އިނބައަށް އަނބުރާ ނުލެވޭ އަތުގައި އިނބަ ބޮސްދޭން ޖެހެއެވެ.
- ހެޔޮ ކަންކަން ކޮށްފައި މޫދަށް އުކާލާށެވެ! މަސްމަހަށް އިނބަ ކުރާ ހެޔޮ އަމަލު ނޭނގުނު ނަމަވެސް މާތްﷲ އެކަން ދެނެވޮޑިގެންވާނެއެވެ.
- އެއްވެސް ކުށެއް ނެތް ރަހުމަތްތެރިއަކު ހޯދަން އިނބަ އުޅޭ ނަމަ، އިނބަ މަރުވާނީ އެއްވެސް ރަހުމަތްތެރިއަކު ނެތި، އެކަނިމާއެކަންޏެވެ.
- ބުއްދިވެރި ދުޝްމަނަކަށް ވުރެ ސޭކު ރަހުމަތްތެރިއަކީ މާ ބޮޑު ވަބާއެކެވެ.
- ހަރަކާތްތެރިކަން އޮތް ތަނެއްގައި ބިންގަނޑު މުއްސަނދިވެގެން ވެއެވެ.
- ކޮފީ ހުންނަން ޖެހޭނީ ނަރަކަހާ އަނދިރި ކޮށެވެ. މަރުހާ ވަރުގަދަ ކޮށެވެ. ނަމަވެސް، ލޯބިހާ ފޮނި މީރުކޮށެވެ.
- ފިނިފެންމަލަށް ލޯބިކުރާ މީހާ، އޭގެ ކަށިތައް ބަރުދާސްތުކުރާނެއެވެ.
- ކޮންމެ އެއްޗެއް ވެސް އެންމެ މޮޅުވެފައި ރަނގަޅީ އާ ކޮޅުގައެވެ. ނަމަވެސް، ރަހުމަތްތެރިން އެންމެ މޮޅުވެފައި ރަނގަޅުވަނީ ދުވަސްވުމުންނެވެ.
- އެތައް ހާސް ފަހަރަކު ވެސް މިން ނަގާށެވެ. ނަމަވެސް ކަނޑަން ލިބޭނީ އެންމެ ފަހަރަކުކަން ހަނދާން ކުރަން ޖެހެއެވެ.
- ފިޔާގެ ހިތިކަން އެ ކާ މީހާއަށް ނޭނގި ހިނގައިދާނެއެވެ. ނަމަވެސް ފިޔާ ކޮށާ މީހާއަށް އެކަން އެނގޭނެއެވެ.
- ދޮގުވެރިޔާގެ ބައްތި ރޯވެފައި ހުންނާނީ އޭނާ ނިދާ ވަގުތު ޖެހެންދެނެވެ.
- ނުދަންނަ ޖާހިލު މީހަކަށް އެއްޗެއް އޮޅުންފިލުވައިދީ ސާފުކޮށްދިނުން ޖަމަލެއް ލައްވައި ކޮނެފައި އޮތް ކޯރެއް ހުރަސްކޮށް ފުންމާލެއްވުމަށް އުޅުމަށް ވުރެވެސް އުނދަގުލެވެ.
- ރުޅި އައިސްގެން ކޮޅަށް ތެދުވާ މީހާ އިށީންނާނީ ގެއްލުމަކައިގެންނެވެ.
- އިންނަން އެއްވެސް އައިބެއް ނެތް އަންހެނަކު ހޯދާ ނަމަ، އިނބަ މަރުވެދާނީ މީހަކާ ނީނދެ ހުރެއެވެ.
- މިއަދު، އަތުގައި އޮތް ބިސް، މާދަމާ ލިިބިދާނެ ހާލަކަށް ވުރެ މޮޅު އިތުރުވެގެން ވެއެވެ.
- މާ ހޫނުކޮށް ކިރު ބޮއިގެން އަނގަ ފިއްސާލި މީހަކު، ޔޯގޮޓު ވެސް ބޯނީ ވަރަށް ވެސް ބަލައިގެންނެވެ.
- ރުޅި އަންނަ ދަރަޖައާ އެއްވަރަށް ހަމަ ބުއްދި ފިލައިދެއެވެ.
- ހަގީގީ ރަހުމަތްތެރިޔާ ހިތި ތެދު ހަގީގަތް ބުނެދެއެވެ.
- ނުބައި މަގެއްގައި ކިތަންމެ ދުރަށް ދެވިފައި ވިޔަސް، އަނބުރާލާފައި އަންނަންޖެހެއެވެ.
- ނުބައި ކަމެއް ކުރުމަށް ރަނގަޅު ގޮތެއް ނޯވެއެވެ.
- ބުއްދި ފިލައި ގޮސްފައިވާ އެންމެ މީހަކު ވެސް ގާކޮޅެއް ވަޅަކަށް ވައްޓާލަފާނެއެވެ. ނަމަވެސް، ސާޅީސް ބުއްދިވެރިންނަށް ވެސް އެ ގާޅު ނުނެގިދާނެއެވެ.
- ތެދު ބުނަން ގަސްދުކުރާ ނަމަ، ދުވެ ރައްކާވާން ތައްޔާރަށް ހުންނައްޗެވެ.
- އުޑުގައި ކައިވެނީގެ ހަފްލާއެއް އެބަ އޮތޭ ބުނެފި ނަމަ، އެތަަނަށް ދިޔުމަށްޓަކައި، ބައެއް މީހުން ހަރުގަނޑެއް ބަހައްޓައިގެން އުޑަށް އަރަން މަސައްކަތްކުރާނެއެވެ.
- އެ މީހެއްގެ އަތުގައި މާމުއި ހޭކޭ މީހާ އޭނާގެ އަތް ލޮވެލާނެއެވެ.
- އުއްމީދަކީ ފަގީރު މީހާގެ ރޮށިކޮޅެވެ.
- ޒުވާންކަމުގެ އަގު ވަޒަންކުރަން އެނގޭނީ މުސްކުޅި އުމުރަށް ދެވުމުންނެވެ.
- އޭނާގެ ހިތާމަތައް ފޮރުވައިގެން އުޅޭ މީހާއަށް އެކަމުގެ ފަރުވާއެއް ނުލިބޭނެއެވެ.
- އެއްވެސް ފަރުވާލެއް، ބަލާލުމެއް ނެތި ވާހަކަދައްކާ މީހާ، ފަހުން ހިތާމައާއެކު އެކަން ހަނދާން ކުރާނެއެވެ.
- އެއްވެސް މީހަކު، ރަހުމަތްތެރިއަކު ބޭރުކޮށް އެއްލާލަން ޖެހޭހާ، މުއްސަންޖެއް ނޫނެވެ.
- ހަމަހިމޭން ކަމަކީ ބުއްދިވެރިޔާއަށް އިވޭ މިޔުޒިކެކެވެ.
- ނަސީބު ފަހާ އެކަކަށް ވެސް ދުވާކަށް ނުޖެހެއެވެ. ނަމަވެސް ނަސީބވެރިޔާ ފަހާ ނަސީބު ދުވެއެވެ.
- ބުއްދިވެރިޔާ، އޭނާގެ ރަހުމަތްރިންގެ މަތިން އަބަދުވެސް ހަނދާންކުރެއެވެ. ނަމަވެސް، މޮޔަ ސޭކު މީހާ އޭނާގެ ރަހުމަތްތެރިންގެ މަތިން ހަނދާންވަނީ ބޭނުމެއް ޖެހުމުންނެވެ.
- ކަންކަން ވުމާއި މީހެއްގެ މަރު ހުއްޓުވުމަށް ކުރެވޭނެ އެއްވެސް ފަރުވާއެއް ނޯވެއެވެ.
- ބިރު ހީވެގެން ނުވާހާ ރަނގަޅަށް އެއްވެސް ކަމެއް ނުހިނގައެވެ. ހަމަ އެހެންމެ، އުއްމީދު ނަގާލާހާ ނުބައިކޮށް އެއްވެސް ކަމެއް ނުހިނގައެވެ.
ކޮލަމް: ކޯދު
ކޮލަމް ކޯދު: ތުރުކީ ބަހުގެ ބައެއް ހަރުބަސްބަސް
- 8 އޭޕްރިލް 2022