- ކާމިޔާބުވުމަށް ވުރެ ނާކާމިޔާބުވުމުން ދަސްވާ ކަންކަން ގިނައެވެ.
- ހިކުމަތްތެރިކަމަކީ ޚަޒާނާއެކެވެ.
- މަގު ގެއްލި ދިޔުމުގެ މާނައަކީ މަގު ދަސްވުމެވެ.
- އެއާ ގަޔާވެ، އެއަށް ތައުރީފު ނުކުރުމަކުން އަލިމަހުގެ އަގުވެއްޓިގެން ނުދެއެވެ.
- ތެދުވެރި، އިޚުލާސްތެރި ރަހުމަތްތެރިންނާ އެކުގައި ބޯލެވޭ ހުސް ފެންތައްޓެއްގައި ވެސް ފޮނި ރަހަލައެވެ.
- ފައިސާއާއި މުދަލަކީ އެ ބޭނުން ކުރުމުން ހުސްވާ އެއްޗެކެވެ. ނަމަވެސް އިލްމަކީ އެ ބޭނުން ކުރިވަރަކަށް އިތުރުވާ އެއްޗެކެވެ.
- ހުތުރު މީހާއަށް ރީތި އަޚުލާގެއް ލިބިފައިވާ ނަމަ، އޭނާ ރީތިވެއެވެ. ރީތި މީހާގެ އަޚުލާގު ގޯސް ވެއްޖެ ނަމަ އޭނާ ހުތުރުވެދެއެވެ.
- ހަޔާތުގެ މަގުގައި ހިނގަމުންދާ އިރު، ރީތި އެތައް މަލެއް ފޮޅިފައިވާ ތަން ފެނެއެވެ. އަދި، އޭގެ ތެރެއިން އެންމެ ރީތި މަލުގައި އެންމެ ތޫނު ކަށި ހުންނަތަން ވެސް ފެނެއެވެ.
- ބަލާލަން ނުކުރޭ މީހާ ދެކެ ލޯބިވާ މީހާ، އެ މީހާ ރީތި މީހަކަށް ހަދާލައެވެ.
- ޅަފަތުގައި އިރުޝާދު ދިނުން ހިލައިގައި ކޮނެ ބިންވަޅު ނެގުން ފަދައެވެ.
- ރާމާމަކުނަކާ، އޭތި އަތުގައި އޮތް ފައިސާއަކާ ހެދި ކައިވެނިކޮށްފި ނަމަ، ދާދި އަވަހަށް އެ ފައިސާ ހުސްވެދާނެއެވެ. ނަމަވެސް، މަކުނު މަކުނުގެ ގޮތުގައި، އެއްވެސް ބަދަލެއް ނައިސް، ހުންނާނެއެވެ.
- ކޯރުގެ އައްސޭރި ފަށުގައި މީސްތަކުންނަށް ބަދުބަސް ބުނެ ވާހަކަ ދައްކާ ނަމަ، ބޮއްތަކަށް އަޑުއިވޭނެއެވެ.
- ކަލެއަކީ ބަދަލެއް ގެނެވޭ ވަރަށް ވުރެ މާ 'ކުޑަ' މީހެއް ކަމުގައި ދެކޭ ނަމަ، މަދިރިއަކާ އެކު ރެއެއް ހޭދަކުރެވިފައި ކަލެއަކަށް ނުވެއެވެ.
- ލޯތްބަކީ ތުއްތުތުއްތު ކުއްޖެއް ފަދަ އެއްޗެކެވެ. އެ ގެންގުޅެން ޖެހޭނީ ވަރަށް ވެސް ބަލައިގެންނެވެ.
- ރަހުމަތްތެރިއަކީ ކަލޭގެ ހިތުގެ ލަވަ އެނގޭ މީހާއެވެ. އަދި ކަލޭ ހަނދާން ނެތުމުން، ކަލެއަށް އެލަވަ އޭނާ ކިޔައިދެއެވެ.
- ކަލޭގެ ހިތް ބޮޑާކަމާއި ކިބުރުވެރި ކަމުން ފުރާލައިފި ނަމަ، އެ ހިތުގައި ހިކުމަތްތެރިކަމަކަށް ޖާގައެއް ނޯންނާނެއެވެ.
- އަަވަހަށް ދާން ބޭނުން ނަމަ އެކަނި ދާށެވެ! ދުރަށް ދާން ބޭނުން ނަމަ، ޖަމާއަތަކާއެކު ދާށެވެ!
- މުސްކުޅިއަކު މަރުވެއްޖެ ނަމަ، އޭނައާ އެކު ލައިބުރަރީއެއް އަނދައި ހުލިވެދެއެވެ.
- އަހަރުމެންގެ ދަރިންނަށް ދެ ކަމެއް ފޯރުކޮށްދޭން އަހަރުމެން ބޭނުން ވެއެވެ. އެމީހުންގެ އަސްލަކީ ކޮބައިކަމާއި އެމީހުން އުދުހިދާން ދެ ފިޔައެވެ.
- ކަނޑިއަކުން ކެނޑި ފާރުވާ ތަނަކަށް ވުރެ، ބުނެވޭ ބަހަކުން ކެނޑި ފާރުވާ ތަން މާ ގޯހެވެ. އެހެނީ ކަނޑީގެ ފާރުގަނޑު ފަސޭހަވެދާނެއެވެ. ނަމަވެސް، ބުނެވެ ބަހަކުން ކެނޑި އުފެދޭ ފާރުގަނޑު ފަސޭހައެއް ނުވާނެއެވެ.
- ކުކުޅު ފަހައި ދުވާ ކޮންމެ މީހަކަށް ކުކުޅެއް ނުހިފެއެވެ. އެހެން ވިޔަސް، ކުކުޅު ހިފޭ މީހާ ކުކުޅު ފަހައި ދުވިއެވެ.
- ސޭކު މީހާ ވާހަކަ ދައްކައެވެ. ބުއްދިވެރިޔާ ވާހަކަ އަޑުއަހައެވެ.
- އަމަލުތަކުގެ ރީތިކަން ފިޔަވައި އެހެން ރީތިކަމެއް ނޯވެއެވެ.
- ތުއްތު ކުއްޖާ ކޮޅަށް ހުންނަން ދަސްކުރަނީ ފިރުކިފައެވެ.
- ބާރުވެރިކަން އެކުވެރިވެ އެކުވުމުގައެވެ. ވަކިވެ ބައިބައިވުމުގައި އޮންނަނީ ބަލިކަށިވުމެވެ.
- ކުޑަ ކުއްޖާ ބިހެއް ވަގަށް ނަގައިގެން ގެއަށް އަންނަ ދުވަހު، އެކުއްޖާއަަށް އަދަބު ދޭން ޖެހެއެވެ. އެހެން ނުހަދައިފި ނަމަ، އޭނާ ބޮޑުވެ، ގިތެލެއް ވަގަށް ނަގައިން ގެއަށް އަންނަ ދުވަހު އޭނާއަށް އަދަބު ދިނުން އޮންނާނީ މާ ލަސްވެފައެވެ.
- މޮޔަ މީހަކު ނައްޓުވަން ބެރު ޖަހާ މީހާ، އެ މޮޔަ މީހާއަށް ވުރެ ވަކި އޭނާގެ ބޯ ހަމައެއް ނުޖެހެއެވެ.
- ފިރިހެން ކުއްޖަކަށް ކިޔަވައިދީފި ނަމަ، އެ ކިޔަވައި ދެވުނީ އެއްމެ ކުއްޖަކަށެވެ. ނަމަވެސް، އަންހެން ކުއްޖަކަށް ކިޔަވައިދީފި ނަމަ، އެ ކިޔަވައިދެވުނީ އާއިލާއަކަށެވެ.
- ބާރުގެ ބޭނުން ކުރަން އަވަސްވެގަންނަ މީހާ، އޭނާގެ ބުއްދި ބޭނުން ކުރަން ބިރުގަނެއެވެ.
- ކުޑަ ކުދިންގެ ހުނުމުން ގޭތެރެ ދިއްލައި އަލިކޮށްލައެވެ.
- ކަލޭގެ ކާފަ ކިތަންމެ ދިގު ކަމަށް ވިޔަސް، ކަލޭ އަމިއްލައަށް ކަލޭ ބޮޑުވާން ޖެހެއެވެ.
- އޭނަގެ ދެ ފައިން، ކޯރުގެ ފުންމިން ބަލާނީ ހަމަ ބޮޑު މޮޔައެކެވެ.
- އެހެން މީހުންނަށް ގެއްލުންތައް މެދުވެރިކުރުވާ މީހާ، އެމީހުންނަށް އޭނާ ހިކުމަތްތެރިކަން ވެސް ދަސްކޮށްދެއެވެ.
- ގަސް ކަނޑަން ދަސްވާނީ ގަސް ކަނޑައިގެންނެވެ.
- ކަލޭގެ ދުޝްމަނާއެކު ރޭކުރާ އަންހެނާއަށް ފަހަރެއްގައި ވެސް އިތުބާރުކޮށްގެން ނުވާނެއެވެ.
- ގާތް ތިމާގެ މީހުން އެކަކު އަނެކަކަށް އެހީވާ ނަމަ، އެމީހުންނަށް ގެއްލުން ދޭނޭ ކަމެއް ނޯންނާއެވެ.
- ހަޔާތް ދޭ އިނާމަކީ ދަރިންނެވެ.
- ސިންގާއެއްގެ ވެރިކަމުގެ ދަށުގައި އޮންނަ ކަންބަޅީގެ ލަޝްކަރު، ކަންބަޅިއެއްގެ ވެރިކަމުގެ ދަށުގައި އޮންނަ ސިންގާއިންގެ ލަޝްކަރު ބަލިކުރެއެވެ.
- ޖަންގަލީގެ މަގުތައް، މުސްކުޅި ގޮރިއްލާއަކަށް ދަސްކޮށްދޭކަން ނުޖެހޭނެއެވެ.
- ނިދާފައި ތިބޭ އަންހެނުން ހޭލުމުން، ފަރުބަދަތައް ވެސް ގުޑުވާލައެވެ.