ތަހުނިޔާގެ ޖިޒީ މަލުން ނަލަ ކައު ރަސޫލަށް ފޮނުވަނީ
رَحْـــــمَـــــــةُ لِلْـــــــعَـــالَــــــمـِـيْـنَ ގެ، ޒިކުރު މަތިވެރި ކުރެވެނީ
މައްސަރުން މަތިވެރި ރަބީޢުލް އައްވަލުގެ ޝަރަފާ އެކީ
اَلــــسَّـــــلَامُ عَــــلَـــــيْــــــكَ زَيْــــنَ الْأَنْــــبــــِيَــــــآء ގުގުމާލަނީ
ހިތްތަކުގެ ލޯތްބާ ކުލުނު އޮހެމުން އަބަދު ދާ އަރިއަހަށް
ހިތްތަކުން ޚާލިޞްވި ޞަލަވާތާ ސަލާމާ ފޮނުވަނީ
ފަރިވެ ފޮޅެމުން މީރުވަސް ފަތުރާ ރިވެތި ފިނިފެންި މަލުން
އަރިއަހަށް ލޯބީގެ ދަސްތާ ދުނިޔެއިން މުޅި އޮއްސަނީ
ރޯޅި ނަލަ ވައި ފަތުރުވައިދޭ މީރުވަސް ޖައްވުގެ ތެރޭން
ކޯޅި ކޯޅީގައި ފޮޅޭ ހިނދު ބީހެމުން ގޮސް އޮހޮރަނީ
ހިތުގެ ޚާލިޞް ކުލުނުގައި ތަކުރާރު ޞަލަވާތް ކުރުމުގައި
އިތުރު ކައު ސާޙިބުގެ ލޯބި ލޮލުން އޮހޮރި ތެމި ފޯވަނީ
