ހދ. ނޮޅިވަރަންފަރު އަންހެނުންގެ ފުޓުސަލް މުބާރާތުގެ ފުރަތަމަ މެޗު ރެހެންދި ކާމިޔާބުކޮށްފިއެވެ.
ހަތަރު ޓީމުގެ މެދުގައި، މިއަދުން ފެށިގެން މި މަހުގެ 22ގެ ނިޔަލަށް ކުރިއަށްދާ "ވިމެންސް ފުޓުސަލް ޓޯނަމަންޓު"ގައި މިއަދު ހަވީރު ކުޅުނު ފުރަތަމަ މެޗުގައި މިރަކަލްސް ޓީމާ ވާދަކޮށް ރެހެންދި މޮޅުވީ 1-0 އިންނެވެ. މެޗުގެ މޮޅު ކުޅުންތެރިޔަކަށް ހޮވުނީ ރެހެންދި ޓީމުގެ 13 ނަންބަރު މަރިޔަމް ނިހާއެވެ.
މާދަމާ ކުޅޭނީ ރަނިން ޓީމާއި ދިވާސް ޓީމެވެ.
މި މުބާރާތް ކުރިއަށް ދަނީ ލީގު އުސޫލުން ކޮންމެ ޓީމެއް ކޮންމެ ޓީމަކާ ވާދަކޮށް، އެންމެ ގިނަ ޕޮއިންޓް ހޯދާ ދެ ޓީމު ފައިނަލަށްދާ ގޮތަށެވެ. ފައިނަލް މެޗު އޮންނާނީ މި މަހު 22 ވަނަ ދުވަހު ހަވީރެވެ.