ހަތިޔާރާއި ގޮވާ ތަކެތި ބޭނުންކޮށްގެން ސިފައިންގެ ތަމްރީނުތަކެއް ހުޅުމާލޭ ފޭސް-2 ގައި މާދަމާ ފަށާނެ ކަމަށް އެމްއެންޑީއެފުން ބުނެފިއެވެ.

އެމްއެންޑީއެފުން މިރޭ ނެރުނު ބަޔާނެއްގައި ބުނީ "ސްމޯލް ޓީމް އެކްސަސައިޒް 2020″ ގެ ނަމުގައި ނޮވެމްބަރ 16-18 އަށް ހުޅުމާލޭ ފޭސް-2 ގައި ތަމްރީނުތަކެއް ކުރިއަށްގެންދިއުމަށް ހަމަޖެހިފައިވާ ކަމަށާއި މި ތަމްރީނުތަކުގައި ސިމިއުލޭޝަންގެ ގޮތުގައި ހަތިޔާރާއި ގޮވާތަކެތި ބޭނުންކުރުމަށް ހަމަޖެހިފައިވާ ކަމަށެވެ.

ހުޅުމާލޭ ފޭސް-2 ގެ ފްލެޓުތަކުގައި އެމްއެންޑީއެފުން މީގެ ކުރިން ވަނީ ފަޔާ ޑްރިލްގެ ތަމްރީނުތަކެއް ވެސް ހަދައިފައެވެ.