އަމާންކަން ގެއްލި މެދުއިރުމަތި މުޅިން ނާމާންވަނީ ތާއޭ
ސަމާލުނުވެވި ނިދަން ތިއްބާ ޔަހޫދީން ކެހި ދި ނީ ތާއޭ
ޓުރަންޕުގެ ވެރިކަމުގެ ވައިރަސް ފެތުރި މުޅިދުނިޔެ ހަލަބޮލިކޮށް
ހުރަސްއެޅި ޞުލްޙަވެރި ދޮރުތަައް ތަޅެއްލެވި ބަންދުވީ ތާއޭ
ޢަދާވާތްތެރިވެ ކަނޑިއުފުލުން ޙަރާމް ވިޔަކަސް މި އުއްމަތުގައި
ތަދާވޭނާ އަޚުން އަޚުނަށް ދިނުން ވަރިހަމަވަނީ ތާއޭ
އެނގޭން އޮވެ ރޫމު ސޫރަތު ބައްތިރީސްވަނަ އާޔަތުން ޙުކުމެއް
އެނގޭ ކަމަަކަށް އެކަން ނަހަދައި ޢަދާވާތް އިސްކުރީ ތާއޭ
އެކަކު އަނެކަކު ކުފުރުކުރެވޭ ތަފާތު އެތައް ނަމަށް ބައިކޮށް
އެކަމުގައި ދެން ތިމާމެންތިބި ބައޭ ރަނގަޅީ ހިތީ ތާއޭ
އެކަން ވިސްނައި ޔަހޫދީންތައް ނެގެންހުރި ކޮންމެ ފައިދާއެެއް
އެކަމުގައި ހޯދުމަށް އުއްމަތް ޢަދާވާތްތެރި ކުރީ ތާއޭ
ފިކުރު ހިންގައި މިކަންކަމުގައި މިއުއްމަތް މިންޖުކޮށްދޭން އެދި
ނިކުތް ޝައިޚެއް ފިލޯސަފަރެއް ފިކުރުވެރިއެއް ނެތީ ތާއޭ
މިއުއްމަތް އެކުވެ ގުޅިލާމެހި ބަދަހި ގުޅުމުން ވިނަމަ އެކުވެރި
މިއުއްމަތު ބާރު ސުޕަޕަވަރެއް ކަމީ ކަށަވަރު ކަމެއް ތާއޭ
ހިނގައިދިޔަ ދެވަނަ ބޮޑުހަނގުރާމަ އަޅުވެރި ކުރިގޮތަށް އުއްމަތް
ހިނގައިފިއްޔާ އެފަދަ ޙަރުބެެއް އޮތީ އަދިވެސް އެގޮތް ތާއޭ
