ނެދަލެންޑްސްގެ ބޮޑުވަޒީރުކަމުގައި ގާތްގަނޑަކަށް 14 އަހަރު ހޭދަ ކުރެއްވުމަށްފަހު މަކް ރަޓަ އޮފީހުން ގެއަށް ވަޑައިގަތީ ދުނިޔޭގެ ކަންކޮޅުތަކުގައި މީހުން ހައިރާންކޮށްލި ފަދަ ގޮތަކަށެވެ. މޮޓޯކޭޑެއްގައެއް ނޫނެވެ. އަގުބޮޑު ވެހިކަލެއްގައެއް ނޫނެވެ. ބޮޑު ފެއާވެލް ރަސްމިއްޔާތަކަށްފަހު ނޫނެވެ.

އޭނާއަށްފަހު އެ މަގާމާ ހަވާލުވެވަޑައިގަތް ޑިކް ސްޖޯފްއާ ބާރުތައް ހަވާލު ކުރައްވައިފައި، އެ ދިގު މުއްދަތުގައި ނެދަލެންޑްސްގެ ބޮޑުވަޒީރުކަން ކުރެއްވި ރަޓަ ސީދާސާދާ ގޮތަކަށް ކުރެއްވި ކަމަކީ އޭނާގެ ބައިސްކަލަށް އަރުއްވައި ގެއަށް ވަޑައިގަތުމެވެ.

ނެދަލެންޑްސްގެ ބޮޑުވަޒީރުކަން ރަޓަ ކުރެއްވީ 2010 އިން 2024 އަށެވެ. މިހެންވެ، އޭނާއަކީ ޔޫރަޕްގައި އެންމެ ދިގު މުއްދަތަކަށް ވެރިކަންކުރެއްވި އެއް ލީޑަރެވެ. ނަމަވެސް މަގާމުގެ މުއްދަތު ހަމަވުމާއެކު، އޭނާ އޮފީހުން ނިކުމެވަޑައިގެންފައި ގެއަށް ވަޑައިގަތީ ވަރަށް އާދައިގެ ގޮތަކަށެވެ.

އެ މަންޒަރު ވަގުތުން ވައިރަލްވިއެވެ. ގާތްގަނޑަކަށް 14 އަހަރުވަންދެން ގައުމު ހިންގަވައިފައި އޮފީހުން ގެއަށް ވަޑައިގަތީ ނެދަލެންޑްސްގެ އެތައް މިލިއަން ރައްޔިތުން ފަދައިން ކޮންމެ ދުވަހަކުވެސް ބައިސްކަލްގައިކަމަށްވީތީއެވެ. އަޑުމަޑުކޮންނެވެ. އާދައިގެ ގޮތަކަށެވެ. ދެ ފުރޮޅު މަތީގައެވެ.

ގިނަ މީހުންނަށް އެ ވަގުތު ރަމްޒުވީ ސިޔާސީ ކަމަކަށްވުރެ ބޮޑުކޮންނެވެ. އެ ކަމުން ހަނދާންކޮށްދިނީ މުޖުތަމައުގައި ތިމާގެ މަގާމާއި ކުލަގަދަކޮށް ކަންތައްތައް ފާހަގަކުރުމާއި ނުވަތަ ބާރު އޮތްކަން ދެއްކުމަކީ ތިމާގެ ލީޑަޝިޕްގެ ވަށައިގެން އެނބުރެން ޖެހޭ ކަންތައްތަކެއް ނޫންކަމެވެ.

ނިވިދިއްލޭ ބޮކިތަކާއި ގިނަ ވެހިކަލްތަކެއްގެ މޮޓޯކޭޑަކާއެކު އޭނާގެ ނަފުސަށް ސަމާލުކަން ހޯއްދެވުމާއި އޭނާގެ ޝަރަފު ދައްކަވާކަށް ނޫޅުއްވިއެވެ. ފެނުނީ ހަމައެކަނި ކުރީގެ ބޮޑުވަޒީރަކު ގެއަށް ބައިސްކަލެއްގައި ވަޑައިގަންނަވާ މަންޒަރެވެ. މިހެންވެ، އޭނާގެ ސިޔާސީ ހިޔާލުތައް ކޮންމެ ގޮތަކަށް ހުއްޓަސް، އެ މަންޒަރު މީހުންގެ ސިކުނޑީގައި ދެމިގެންދާ ގޮތަކަށް ހަރުލިއެވެ.

ދުނިޔޭގައި ބައެއް ލީޑަރުން އެ މީހުންގެ ބާރުތައް ދޫކޮށްލަން އުނދަގޫވެގެން އުޅޭއިރު، ރަޓަ ސްޖޯފަށް ތަޅުދަނޑިތައް ހަވާލުކުރައްވައި، ސަލާންގަލާން ކުރައްވައިފައި، ސަހަރު ތެރެއަށް ބައިސްކަލުގައި ނިކުމެވަޑައިގަތީއެވެ.

ބައެއް ފަހަރު އެންމެ ބާރުގަދަކޮށް އެއްޗެއް ދޭހަކޮށްދެވޭނީ އެންމެ ސީދާސާދާ ގޮތަށެވެ.