ކޮންމެފެށުމެއް އަންނަ ފަދައިން އޭގެ ނިމުމެއް އާދެޔޭ
ކޮންމެ ނިމުމެއްވެސް ނިމޭއިރު ދެން އެހެންފެށުމެއް ވެޔޭ
ކޮންމެ މީހަކުވެސް އުފަންވާއިރު އެހުރި މަޢްޞޫމުކަން
ކޮންމެވެސް ސަބަބެއް އެއަށް މެދުވެރިވެ ގޯސްވާގޮތް ވެޔޭ
"ކޮންމެ ބާރެއްވެސް އުފެދިގެން އަންނައިރު ޖޯޝާއެކީ"
ކޮންމެވެސް ގޯސް ޢަމަލަކުން އައިސް ބާރު ނެތިދާގޮތް ވެޔޭ
ކޮންމެ އިންސާނަކު އުޅެން ﷲ އެންގެވިމަގުވެޔޭ
ކޮންމެ އިންސާނަކު މިގޮތް ހޯދައި ބަލައި ވިސްނަން ވެޔޭ
ކޮންމެ ނިޢްމަތަކާއި ބާރެއް ދެއްވަނީ ﷲ ކަން
ކޮންވެސް ގޮތަކުން ހަނދާން ނެތުމުން އެނިޢްމަތް ގެއްލެޔޭ
ބާރުހުރި ޕާޓީ ތަކާއި، ޖަމާޢަތާއި ގްރޫޕްތައް،
ބާރުގައި އުޅެގަންނަ ގޮތަކުން ބާރު ނެތިދާ ގޮތްވެޔޭ
ދުނިޔެއަކު ބޭނުންވިހާ ގޮތަކަށް އުޅެން ފުރްސަތު ނެތޭ
ދުނިޔެ ހިނގަމުންދާ ނިޒާމަށް ވިސްނުމުން އެނގިދާނެޔޭ
ދާދި އިހަކަށްދުވަހު ދެއްވެވި ނިޢްމަތާ އާރާއި ބާރުން،
ނނނ ޚާލިޤާ މަޚްލޫޤު އޮޅުމުން ދެން، އެބާރެއް ނެތި ދެޔޭ
މިންވަރަށް އީމާންވުމޭ! ކިޔަނީ މިފަދަ ހުރިހާކަމެއް،
މިންވަރުން ހިނގަނީ ކަމަށް ރުހިގެން ގަބޫލުކުރުން މެޔޭ
"ނިޢްމަތަށް ﷲ ދެއްވާ ޝުކުރުނުކުރާ މީހުނަށް،
ބިރުބޮޑޭ! އެކަމަށް ވަޢީދުގެ ބަސްފުޅެއް އައިސްފާ ވެޔޭ"
