ތިރީގައި މި ވަނީ ޣައްޒާއާ ދެކޮޅަށް އިޒްރޭލުން ކުރި ހަނގުރާމައިގައި ކުރިމަތިވި ގެއްލުންތަކާއި ނާކާމިޔާބުތަކެވެ.

• އިޒްރޭލުގެ ސިފައިންގެ ތެރެއިން ހަތްހާސް މީހުން މަރުވުން.
• ފަންސަވީސް ހާސް ސިފައިން ނުކުޅެދޭ މީހުންނަށް ބަދަލުވެ ސިފައިންގެ އަސްކަރީ ޚިދުމަތުން އެކަހެރި ކުރެވުން.
• އިޒްރޭލަށް ސަތޭކަ ފަންސާސް ބިލިއަން ޑޮލަރުގެ ގެލުންވުން.
• އަރަބިންނާއި އިޒްރޭލުގެ ގުޅުންތައް ނޯމަލައިޒް ކުރުމުގެ ޕްރޮގްރާމް ނާކާމިޔާބުވުން.
• ފަލަސްތީނުގެ މައްސަލަ އޮއްބާލައި، ދުނިޔެއިންވެސް ފުހެލުމަށް ކުރި މަސައްކަތް ނާކާމިޔާބުވުން.
• ބައިނަލް އަޤްވާމީ ފެންވަރުގައި އިޒްރޭލް ބަދުނާމުވެ އަގުވެއްޓުން.
• އިޒްރޭލުގެ އުސްޠޫރީ (ލެޖެންޑްރީ) ފޮނިކަމާއި ހޯދައިގަނެގެން އުޅުން ރީތިނަން ބަރުބާދުވެ ނެތިގެން ދިއުން.
• ބޭރުގެ ގައުމުތަކާއެކު، އުފައްދައިފައިވާ ޚާރިޖީ ގުޅުންތަކާއި އިގްތިސޯދީ ގުޅުންތައް ގެއްލި ހީނަރުވެގެން ދިއުން.
• ހަތިޔާރުގެ ގޮތުން ނާކާމިޔާބުވެ ގެއްލުންތަކާ ކުރިމަތިލާންޖެހުން.
• ނަތަންޔާހޫގެ ސަރުކާރުގެ އިތުބާރު ޔަހޫދީންނަށް ގެއްލުން.
• ޣައްޒާ ހިފުމަށް ރޭވި އެންމެހާ ރޭވުންތައް އިނދަޖެހުން.
• އިޒްރޭލްގެ އެތައްހާސް ގެޔެއް ފުނޑިބިމާހަމަވުން.
• އިޒްރޭލަށް ލިބިފައިވާ ބައިނަލް އަގުވާމީ ހައިބަތު ގެއްލި އަގުވެއްޓުން.
• އިޒްރޭލަށް ލިބިފައިވާ ހުޅަނގު ދުނިޔޭގެ ތާއީދު ގެއްލުން.
• އިޒްރޭލުގެ އެތެރޭގެ އަމްނުއަމާންކަމާއި ހަމަޖެހުން ގެއްލުން.
• ގައުމުގެ އެތެރޭގެ އެއްބައިވަންތަކަމާއި އެކަތިގަނޑަކަށް ވުމުގެ ރޫޙު ނެތިގެން ދިއުން.
• އިޒްރޭލްގެ ޢަސްކަރީ ލީޑަރުންނާއި ކޮމާންޑަރުންތައް ނެތިގެން ދިއުން.
• އިޒްރޭލްގެ ލަޝްކަރަކީ ބަލިކޮށްނުލެވޭނެ ލަޝްކަރެއް ކަމަށް ފެތުރި ޕްރޮޕަގެންޑާ ފަޅާއެރުން.
• އިޒްރޭލްގެ މޮޅު ޓެކްނޮލޮޖީގެ ފޮނި ވާހަކަތަކަކީ ހަގީގަތެއް ނޫން ކަމަށް ފަޅާއެރުން.
• ސަރަހައްދީ ގޮތުން އިޒްރޭލަށް ލިބިފައިވާ އަސްކަރީ ނުފޫޒުން މަޙްރޫމްވުން.
• އަރަބި ބައެއް ގައުމުތަކާ ސިއްރުން ބާއްވައިގެން އުޅުނު ސިޔާސީ ގުޅުންތައް ހީނަރުވުން.
• ޣައްޒާގެ މުޖާހިދުންގެ ހިތްވަރާއި ސާބިތުކަމުގެ ކުރިމަތީގައި އިޒްރޭލް ފިނޑިވެ ބަލިކަށިވުން.
• ދުނިޔޭގެ ކުރިމަތީގައްޔާއި އިސްރާއީލީ މުޖްތަމައުގެ ކުރިމަތީގައި އިޒްރޭލްގެ މީޑިޔާގެ ނަޒާހާތްތެރިކަމާ ތެދުވެރިކަން ގެއްލުން.
• އިޒްރޭލަށް ފައިދާއެއް ނެތް ހަނގުރާމައެއްގައި އެ ގައުމުގެ ޒުވާން ޖީލެއް ފަނާވެގެން ދިއުން.
• އިޒްރޭލުގެ ސިޔާސީ މުސްތަޤްބަލް ފަނާވެގެން ދިއުން.
• އިޒްރޭލާމެދު ބައިނަލް އަޤްވާމީ މުޖްތަމައުގެ ކެތްތެރިކަން ކޮޅުންލުން.
• އިޒްރޭލްއަށް ލިބިފައިވާ ހުރިހާ މޮޅަކުން މަހްރޫމްވުން.

މާތް الله އިރާދަކުރެއްވިޔާ ކުރިޔަށްވެސް އޮތީ އިޒުރޭލަށް އިތުރު ނާކާމިޔާބީ ތަކެވެ.

إنشاءالله.