ދައްޕަރާ ހަނިމާދުއަށް ވިސްނައިލިޔަސް ހަސަނުގެ ދެފައި
ބައްޕައެއް ކަމުގައި ވެގެން ހަންފަތުރަނީ ހަސަނުގެ ދެފައި
ގޭގެއަށް ކުލިދީ ނަގައިގެން ރައްޔިތުން ހައްލައި ހަދައި
އޭގެ ފަހުގައި ފެންނަނީ އަދި މުޅި އޮޑީ ހަސަނުގެ ދެފައި
ހައްދުއަށް މެދުރާއްޖެއިން ވަކިހިއްޕަމުން އެތަނަށް އަރައި
ކައްދުއިން ވެސް ފެންނަނީ ބަލަ މުޅި އޮޑީ ހަސަނުގެ ދެފައި
އައްޑޫ ބިމުން ބޮޑު ޖާގައެއް މަކަރުން ދަމައިގަނެ ފާޅުގައި
އައްޑޫގެ ބިމުގައި ފަތުރަމުން ގެންދަންފެށީ ހަސަނުގެ ދެފައި
ދިން އެއީ ހަދިޔާއެކޭ ހެލިކޮޕްޓަރެއް ނަމަކަށް ކިޔައި
އިންތިހާއަށް ގައުމުގައި ހަންފަތުރަނީ ހަސަނުގެ ދެފައި
ދައުލަތުގެ މާލީ ނިޒާމުގެ ސިއްރުތައް ދީ ބޮލަރުވައި
ގައުމު އިނދަޖައްސައިލަނީ ވައްދައި އެއަށް ހަސަނުގެ ދެފައި
މަސްވެރީންނަށް ދުއްތުރާ ކުރުމަށް ސަމަންދަރު ހުޅުވުމަށް
އަސްދަނޑީން މަސްވެރިކަމަށް އަތްކޮށްޕަނީ ހަސަނުގެ ދެފައި
"އައިހަވަން"އާ "ފާފު" ފަދަ މަޝްރޫޢުތައް ވެސް ހުއްޓުވައި
ގައިމު ވެސް އިނދަޖެއްސުމަށް ކޮށްޕައިލަނީ ހަސަނުގެ ދެފައި
ގައުމުގައި މިނިވަންކަމަށް ފައިކޮށްފަނީނަމަ ތިޔަ ގޮތަށް
ގައިމު ވެސް ވާކޮށްލުމަށް އެދެވޭނެނީ ހަސަނުގެ ދެފައި