ބަޔަކު ރުއްސަން ހަޔާތް ބޭކާރުކުރުމީ ގޯހެކޭ މިތުރާ
މަޔަކު ބަފަޔަކު މެނޫނީ ނޯވެޔޭ ހެޔޮ ނިޔަތަކާ ފިކުރާ
އަހުލުގައި ނުހިމެނޭ ދުރުމީހަކަށް ނަމަ ދިނުމަކުން ހެވަތެއް
ފަހަރުގައިވެސް އެއިންނޯވޭ ލިބުންނ ނޫނީ ތުރާ ހުތުރާ
މަރާލައިފާ ދެލޯ ދުނިޔޭން ނުކުމެދާތާ ދެތިން ދުވަހުން
ކަރާކަރު ޖެއްސިހާ މިތުރުން ހަނދާން ނެތިދާނެއޭ ޒިކުރާ
އެކުން ލޯބިން އަތުންފިރުމާ ލޮލުން ބޮސްދެވުނު ބައިވެރިޔާ
ދެކެން ނާންނާނެއޭ ގައުވެސް މަހާނައިން ހުރި ދެކުނު އުތުރާ
އެއީ ފަޚުރެއްކަމަށް ދެކިގެން އުޅުނު ގޮނޑިއާ އެލީ ޖުއްބާ
އެއީ ސަބަބެއްކަމަށް ނޫނީ ނުވޭ ދިޔަ ގެއްލި އޮޑި ދަތުރާ
މުދާތައް މިއަދު އެއްކުރިހާ ގުދާރުމަތިން ގުދަންއޮވެގެން
އުދާހެއް ނޫންކަމަށް މާދަން ނުވާނޭ ހޫނު ގިނި ފަތުރާ
ހަޔާތޭ ނަންކިޔާ ދުނިޔޭން އަރައިރުމަކަށް އަޚުން އަޚުނާ
ހަދާކަށް ހެޔޮނުވާނޭ އެއްޗަކަށް މަންފާ އެއިން ނުކުރާ
ނެތޭ ދަރިއެއްގެ ފުށަކުން މުދަލަކުން ލިބިދާނެ މަންފާއެއް
އޮތީ މަންފާ ސަލާމަތްކަމުގެ ހިތަކުންނޭ ކިލާ ނުކުރާ
