ގިސްލަމުން ވެސް ބުރަ ތަކެތި އުފުލައި ތިމާޔަށް އުޅެލެވޭނީ
ޑިސްކު ތަކުގައި ހިންދަމާލާ ވަރުގެ ބާރެއް ވެސް ހުރިއްޔާ
ވަސްދުވާފަދަ ސެންޓު އަތަރުން ކަޅިވެގެންއައިސް އުޅުނަކަސް،
ވަސްއެނގޭނީ ވަސްދުވާ ހިއްސުގެ ސަލާމަތްކަން ހުރިއްޔާ
ކުލަ ރަނގަޅުވީމާ ނަގައިގެން ކައިލިޔަސް އަދި ރަހައެނގޭނީ،
ކުޑަދުލުގެ އިހްސާސްވެސް ފުރިހަމަވެފައި ރަނގަޅަށް ހުރިއްޔާ
ފެންނަހެން އަދި ހީވިޔަސް ފަހަތުން އެކީގައި އުޅުނަކަސް
ހުންނަސިފަ ރަނގަށް އެނގޭނީ ލޮލުގެ ފެނުމެއްވެސް ހުރިއްޔާ
ވިންދުޖެހިޔަސް ނާރުތަކުގައި މަރުނުވާކަން ކަށަވަރީ،
ވިންދު ޖެހުމާއެކު ވަކިން އަދި ހިތުގެ ދިރުމެއްވެސް ހުރިއްޔާ
ފެންނައެކިއެކި މަންޒަރާ އިވެމުން އެދާހާ އަޑުތަކަށް
ހެއްލިގެން" ބެހިގެން ނުދާނީ" ވިސްނުމެއް ސިކުޑީ ހުރިއްޔާ
ވެއްޓިފައި އޮތަކަސް ތަނެއްގައި ޙާލުނެތި ވަރު ދެރަވެގެން،
ފެންފޮދެއް ދިޔަކަސް ދިރޭނީ ދިރުވުމުގެ ބާރެއް ހުރިއްޔާ
ޖާހިލުން މޮޅު ނަން ނަމުން އަދު ދައްކަމުންދާ ހުވަފެނަށް،
ޖާހިލުން ގޮތުގައި ތަބަޢަ ނުވެ އުޅެވެނީ ވިސްނުން ހުރިއްޔާ
ޙާލުގައި މީހާ އުޅެން ޖެހިގެން ލިބޭހައި ގެއްލުމާ،
ވާ ނުވާ އެއްވެސް އެނގޭނީ ހޭ ހަށީގައި ވެސް ހުރިއްޔާ
ކޮންމެ ގޮތަކަށްވެސް ތަބައަނުވެ ތެދުމަގުން މީހާ ހިނގޭނީ
އޮންނަ ހެޔޮގޮތް ދީނުގައި އެނގި ދަސްވެފައި މީހާ ހުރިއްޔާ
