ރާއްޖޭގެ 55 ވަނަ މިނިވަން ދުވަސް ފާހަގަކުރުމަށް، ޗައިނާގައި ހުންނަ ދިވެހި އެމްބަސީން މިއަދު ބޭއްވި ރިސެޕްޝަނެއްގައި، ފޮރިން މިނިސްޓަރ އަބްދުﷲ ޝާހިދު ވީޑިއޯ ކޯލް މެދުވެރިކޮށް ބައިވެރިވެވަޑައިގެން، ޗައިނާ ބަހުން ހިތޯބެއް ދެއްވައިފިއެވެ. މިއީ "ފުރަތަމަ އިންޑިއާ" ސިޔާސަތު ގެންގުޅޭ ދިވެހި ސަރުކާރުގެ ބޭފުޅަކު މިގޮތަށް ޗައިނާ ބަހުން ވާހަކަފުޅު ދެއްކެވި ފުރަތަމަ ފަހަރެވެ.
އިނގިރޭސި ބަހުން ސަބްޓައިޓްލް އަރަމުންދިޔަ 2:20 މިނިޓުގެ މި ހިތޯބުގައި ޝާހިދު ވާހަކަފުޅު ދެއްކެވީ ޓީވީއެމްގައި ޚަބަރުކިޔަން ގެންގުޅޭ ކަހަލަ އޮޓޯކިއުއެއް ބައްލަވައިގެންނެވެ.
ޝާހިދުގެ ވާހަކަފުޅުގައި އެ ރިސެޕްޝަންގައި ބައިވެރިވެވަޑައިގެންނެވި ހުރިހާ ފަރާތްތަކަށް މަރުހަބާ ވިދާޅުވެފައިވެއެވެ. އަދި ޗައިނާ އާއި ރާއްޖެއާ ދެމެދު އޮންނަ ގުޅުމުގެ މައްޗަށް ވެސް ޝާހިދު ވާހަކަފުޅު ދެއްކެވިއެވެ. އަދި ޗައިނާ އަކީ ރާއްޖޭގެ ތަރައްގީއަށް އެހީވާ އެއް ހިއްސާދާރުކަން ވެސް ޝާހިދު ފާހަގަކުރެއްވިއެވެ. އަދި ރާއްޖޭގެ ޓޫރިޒަމްގެ އެންމެ ބޮޑު މާކެޓަކީ ޗައިނާ ކަމަށް ވެސް ޝާހިދު ވިދާޅުވިއެވެ.
ޗައިނާ އާއި ރާއްޖޭގެ ސިޔާސީ ގުޅުމަށް 48 އަހަރު ފުރޭއިރު ދެގައުމުގެ ގުޅުން އާ ހަރުފަތަށް ދާނެ ކަމަށް ދެގައުުމުގެ ރައްޔިތުންނާއި ލީޑަރުން ވެސް ގަބޫލްކުރައްވާ ކަމުގައި ޝާހިދު ފާހަގަކުރައްވައި ޗައިނާ އަށް ޝުކުރު އަދާކުރެއްވިއެވެ.
Honoured to take part in the event by @MDVinChina celebrating the 55th anniversary of #Maldives independence. China has and will continue to be an important development partner. pic.twitter.com/kUyVrZvRBd
— Abdulla Shahid (@abdulla_shahid) August 26, 2020
އިންޑިއާ ނުރުހުންވާތީ، ޗައިނާއާާ ގާތް ގުޅުމެއް ބާއްވަން ރާއްޖެ އަށް ހުރަސްތަކެއް ކުރިމަތިވެފައި އޮންނަ ކަމަށް ސިޔާސީ އިދިކޮޅު ފަރާތްތަކުން ބުނެއެވެ.
ޝާހިދު ޗައިނާ ބަހުން ވާހަކަ ދެއްކެވުމުން އެންމެ ބޮޑަށް އުފާކުރެއްވީ ރާއްޖޭގައި ހުންނަވާ ޗައިނާ ސަފީރު ޒަންގް ލިޒޯންގެވެ.
Speech by Hon. FM @abdulla_shahid on the Independence Day virtual reception today in Beijing.
It is in Chinese！
AAAAA pic.twitter.com/cxtNRyTjEu— Amb. Zhang Lizhong (@AmbassadorZhang) August 26, 2020
ބެއިޖިންގައި ހުންނަ ދިވެހި އެމްބަސީގެ ޓްވިޓަރ އެކައުންޓުގައި ހުރި ފޮޓޯތަކަށް ބަލާއިރު ވަރޗުއަލްކޮށް ބޭއްވި މި ރިސެޕްޝަންގައި ރައީސް އިބްރާޙިމް މުހައްމަދު ސޯލިހު ވެސް ބައިވެރިވެވަޑައިގެންނެވިއެވެ. ނަމަވެސް އެ މަނިކުފާނު ވާހަކަފުޅު ދެއްކެވީ ކޮން ބަހަކުން ކަމެއް ނޭނގެއެވެ.
#MDVinChina hosted a virtual reception to celebrate the 55th anniversary of the Independence Day of the #Maldives. A sincere thanks to everyone who joined. @MoFAmv pic.twitter.com/ViBe4kDxVg
— MaldivesInChina (@MDVinChina) August 26, 2020
advertisment
