ކޮވިޑް19 ގެ ބަލި ފެތުރުން ކޮންޓްރޯލް ނުކުރެވިގެން ކަމާ ބެހޭ ފަރާތްތަކާ ރައްޔިތުން ކަންބޮޑުވުމެއްގެ ތެރޭގައި ތިއްބާ އެންމެ ގިނަ ބަޔަކު ސިއްސުވާލި އަޑަކަށް ވެގެން ދިޔައީ ކުރީގެ ރައީސް މައުމޫން އަބްދުލްގައްޔޫމް ކޮވިޑަށް ޕޮޒިޓިވްވެގެން ދަރުމަވަންތަ ހޮސްޕިޓަލްގައި ރޭ އެޑްމިޓްކުރި ވާހަކައެކެވެ.

"ކޮވިޑްއަށް ޕޮޒިޓިވްވެއްޖެ. (އެކަމަކު) ބަލީގެ އެއްވެސް ސިމްޓަމްސްއެއް (އަލާމާތެއް) ނެތް. الْحَمْدُ للَّهِ" "އަދިވެސް" އިން ދެންނެވި ސުވާލަކަށް ޖަވާބު ދެއްވަމުން ރައީސް މައުމޫން، 83، ރޭ ވިދާޅުވި އެވެ. އެގޭފަހުން ރައީސް މައުމޫން ވަނީ ކޮވިޑްއަށް ޕޮޒިޓިވްވި ކަމަށް ވިދާޅުވެ ޓުވީޓް ވެސް ކުރައްވާފަ އެވެ.

Thank you so much friends and well-wishers for your prayers. Praise be to Allah I feel reasonably well. May Allah protect you from all misfortune. Aameen!

— Maumoon Abdul Gayoom (@maumoonagayoom) August 26, 2020

ރައީސް މައުމޫންގެ ޓުވީޓާ އެކު އެމަނިކުފާނަށް ހެޔޮއެދޭ އެކިއެކި ފަރާތްތަކުން ގެންދަނީ ހަމްދަރުދީ އާއި އަވަސް ޝިފާއަކަށް އެދި ހެޔޮދުއާގެ މެސެޖްތައް ސޯޝަލް މީޑިއާ މެދުވެރިކޮށް ފޮނުވަމުންނެވެ. އެމަނިކުފާނަށް ހެޔޮއެދިވަޑައިގެން މެސެޖް ކުރެއްވި ބޭބޭފުޅުންގެ ތެރޭގައި ވަޒީރުންނާއި ހުރިހައި ފިކުރެއްގެ މަޖިލިސްގެ މެމްބަރުންނާއި ޕީ.ޕީ.އެމްގެ ލީޑަޝިޕްގެ ބައެއް ބޭފުޅުންވެސް ހިމެނެއެވެ.

Thoughtful prayers are being sent your way with the hopes that you will feel better and have a speedy recovery my friend @maumoonagayoom. https://t.co/JYdG4NSeso

— Mahinda Rajapaksa (@PresRajapaksa) August 26, 2020

ރައީސް މައުމޫނަށް އަވަސް ޝިފާއަކަށް އެދިވަޑައިގެން ބޭރު ގަމުތަކުގެ އެކިއެކި ފަރާތްތަކުން ވެސް މެސެޖްތައް ކުރަމުން ގެންދަވާއިރު ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ވެސް ވަނީ މިއަދުގެ ވަގުތެއްގައި ޓްވީޓެއް ކުރައްވާފަ އެވެ.

My thoughts and prayers are with you President @maumoonagayoom. May almighty Allah grant you a speedy recovery. https://t.co/rpxEVJumDC

— Ibrahim Mohamed Solih (@ibusolih) August 26, 2020

ރައީސް މައުމޫން ދަރިކަނބަލުން ދުންޔާ މައުމޫން "އަދިވެސް" އަށް މައުލޫމާތު ދެއްވަމުން މިއަދު ވިދާޅުވީ ބައްޕާފުޅުގެ ހާލުކޮޅު މިއަދު ރަނގަޅު ކަމަށާއި ކޮވިޑްގެ އަލާމާތްތައް ހުރީ ވަރަށް ކުޑަކޮށް ކަމަށެވެ. އަދި ބައްޕާޕުޅަށް ހެޔޮއެދިވަޑައިގެން ގިނަ ފަރާތްތަކުން މެސެޖް ކުރަމުން ގެންދާތީ އެ ހުރިހާ ފަރާތްތަކަކަށް ވެސް ވަރަށް ބޮޑަށް ޝުކުރު އަދާކުރައްވާ ކަމަށެވެ.

"ބައްޕާފުޅުގެ ހާލުކޮޅު ރަނގަޅު. މާބޮޑު އަލާމާތްތަކެއް ނެތް. ހެޔޮ އެދޭ ގިނަ ބަޔަކު ގެންދަނީ ބައްޕާޕުޅަށް އަވަސް ޝިފާއަކަށް އެދެމުން، އެކަމަށް އަޅުގަނޑު ވަރަށް ބޮޑަށް ޝުކުރު އަދާކުރަން،" ދުންޔާ ވިދާޅުވި އެވެ.

May Allah Almighty bless you Bappa and other people who are ill with strength and a quick shifa, Insha Allah!♥️ We thank all for the prayers and good wishes. Thinking of all the families going through these difficult times. https://t.co/qwYkJI2lIz

— Dunya Maumoon (@dunyamaumoon) August 26, 2020

#ShafakaAllah President Maumoon Abdul Gayyoom tested positive for Covid-19. May Allah bless him with a speedy recovery. #GWSPresMaumoon #COVID19 @mgmaumoon @dunyamaumoon @maumoonagayoom @yumna_maumoon @TheMaumoonFdtn pic.twitter.com/g2o1Hc7Esi

— Ahmed Nihan (@ahmed_nihan) August 25, 2020