ހީކުރީމޭ ހާދަ ގޯހޭ ކަން ހިނގާ ގޮތް ތައް އެހާރު
ހީނުކުރިޔަސް އޭރަކު އެއްވެސް ތަފާތެއް ނެތް މިހާރު
އޭރު ބެލެނީ ކަންކުރަން ނޭނގޭ ބައެއް ކަމުގައި އެހާރު
އޭރު ކުރި ގޮތަކަށް ވުރެންވެސް މާބޮޑަށް ގޯހޭ މިހާރު
ކަން ކުރާގޮތު ގައި ތަފާތުވަނީ މިހާރާ އަދި އެހާރު
ކަންހިނގާ ގޮތުގައި ތަފާތެއް ނެތް އެހާރާ އަދި މިހާރު
އަތުޖެހުނު އެއްޗެއް ޖެހުނު މީހަކު ނަގައިފޮރުވީ އެހާރު
އަތުޖެހުނު ނަމަ ޖެހުނު އެއްޗެއް ވާ ނުވާ ނޭނގޭ މިހާރު
ހީކުރިން ފަނޑިޔާރުން ޤާޒީންގެ ޙާލުބޮޑޭ އެހާރު
ހީނުކުރި ޔަސް ޙާކިމުން މާ ޙާލުގައި އުޅެނީ މިހާރު
ރިޝްވަތުގެ ބިރުވެރިކަމޭ ފަނޑިޔާރުނަށް އެވަނީ އެހާރު
މިންޖު ނުވެ އެބުނާ ސުލޫކީ ބޮޑު މުޞީބާތެއް މިހާރު
ރަނގަޅު ނެތް އެއްވެސް ކަމެއް އިދިކޮޅުބަޔަކު ބުނަނީ އެހާރު
ރަނގަޅު ނެތިފައި މާބޮޑަށް ގޯހޭ ހިނގާ ކަން ކަން މިހާރު
ދީނަށާ ޤުރްއާނަށް ޖޯކެއް ޖަހާފައި ނެތް އެހާރު
ދީނުގައި އެންގެވި ޙުކުމް ގޯހޭ! ބަޔާން ނެރެނީ މިހާރު
އެހެރަ ބިޔަ މަޝްރޫޢުތައް މެކުހަށް ޖަހާފައިހުރި އެހާރު،
އޭގެ ހިލަމެއް ނެތި، ފަސާދައިން ތަން އެކީ ނިމެނީ މިހާރު
ބޭރު މީހުންތައް ގެނެސްގެން ރޭރު ކޮށްލީއޭ އެހާރު
ބޭރު މީހުން އައިސް މިތަން އަޅުވެތި ކުރިއްޔޭ ދެން މިހާރު
