ކުރީގެ ރައީސް މައުމޫން އަބްދުލްގައްޔޫމް ކޮވިޑް 19 އަށް ޕޮޒިޓިވްވެއްޖެ އެވެ.

ރައީސް މައުމޫން ކޮވިޑަށް ޕޮޒިޓިވްވިކަން ކަށަވަރުވީ އެ މަނިކުފާނުގެ ޓެސްޓުގެ ނަތީޖާ މިރޭ ލިބުމުންނެވެ.

"ބަލީގެ އެއްވެސް ސިމްޓަމްސްއެއް (އަލާމާތެއް) ނެތް. الْحَمْدُ للَّهِ" "އަދިވެސް" އިން ދެންނެވި ސުވާލަކަށް ޖަވާބު ދެއްވަމުން ރައީސް މައުމޫން، 83، ވިދާޅުވި އެވެ.

قل لن يصيبنا إلا ما كتب الله لنا. I have tested positive for Covid-19. May Almighty Allah bless me and all other sick people with a speedy recovery and good health! Aameen!

— Maumoon Abdul Gayoom (@maumoonagayoom) August 25, 2020

ކޮވިޑަށް ޕޮޒިޓިވްވި ކަމަށް ވިދާޅުވެ ރައީސް މައުމޫން ދާދި ދެންމެއަކު ވަނީ ޓްވީޓެއްވެސް ކުރައްވައިފައެވެ.

ކޮވިޑް ތެރޭގައި ރައީސް މައުމޫން އާންމުންގެ ތެރެއިން އެންމެ ފަހުން ފެނިފައި ވަނީ އެމަނިކުފާނުގެ ކޮއްކޯފުޅު، މުއުމިނާ އަބްދުލްގައްޔޫމުގެ ޖަނާޒާގައި، މި އަހަރުގެ އެޕްރީލް 6 ވަނަ ދުވަހު އާސަހަރާއިންނެވެ.

ރައީސް މައުމޫނަށް އަވަސް ޝިފާއަކަށް އެދިވަޑައިގެން، ވަރަށް ގިނަ ބަޔަކު ގެންދަވަނީ ޓްވީޓަރ މެދުވެރިކޮށް މެސެޖް ފޮނުއްވަމުންނެވެ. އޭގެތެރޭގައި ވަޒީރުންނާއި މަޖިލިސްގެ މެމްބަރުންނާއި ޕީ.ޕީ.އެމްގެ ލީޑަޝިޕްގެ ބައެއް ބޭފުޅުންވެސް ހިމެނެއެވެ.

އެންމެ ފަހުން މައުލޫމާތު ލިބުނު ގޮތުގައި ރައީސް މައުމޫން މިހާރު ވަނީ ދަރުމަވަންތަ ހޮސްޕިޓަލްގައި އެޑްމިޓްވެވަޑައިގެންފަ އެވެ.