ރިހުމާ ތަދާ ހިތުން ފެށެނީ އަސްލުންނެ ގުދުރަތީ
އިހުސާސްވާ ހަޔާތުގެ ފުން އަސަރުންނެ ލައްޒަތީ
ތިޔަ ޖިސްމު ފެންނަނީ އެ ވިދާ އަލި އިރުގެ ދޯދިހެން
ހިޔަލެއް ނެތޭ ދެވޭނެ ފިލަން ވަންނަން ހިފާޒަތީ
ތިޔަލޮލުގެ ކޯރު ދެމިލަނީ ޒަހަރެއްގެ އާރުހެން
ނިޔަތާ ހިތާ ނެތޭ މަގަކުން ދެވިދާން ސަލާމަތީ
ދީފާނަމޭ ހިތާއި މެޔާ އަދި ލޭގެ ހަރަކަތާ
ސީދާވުމޭ ދެވުން މިދެވޭ އެދެވޭ ނިހާޔަތީ
އަހުރެންގެ ރޫހު ވިރިދަނީ ނަފުސުގެ އުދާހަކުން
ފަހުނޭވައޭ މިހާރު އެދޭ ދުނިޔޭގެ ރާހަތީ
