އުޑުވެޔޭ މާ ދުރުދުރުން ފެށިގެން ދިމާ ހަމަ ބޯމަތީ
ގުޑުވިވެސް ނުމެލާނެހެން ނެތަކަސް ތަނބެއް ހަމަ ބިންމަތީ

ކޮންމެ ދުވަހަކު ކޮންމެ އަހަރަކު އިރުގެ ދައުރާނާވުމަށް
އެންމެ ފަޅި މިނިޓެއް ސިކުންތެއް ވެސް ތަފާތުވުމެއް ނެތީ

އަހަރުތައް މާޒީ ވިޔަސް، ވާރޭ ކަނޑަށް ވެހެމުން ދިޔަސް
ރަހަޔަކަށް، ވަހަކަށް، ލޮނުގެ ތާސީރަކަށް، ބަދަލެއް، ނެތީ

ގަސްގަހާ ޖަނަވާރުތައް، އަދި ޤުދުރަތީ ހުރިހާ ދިރުން
އަޞްލު ނަސްލާ އެއް ގޮތަށް 'ދަރިމައިވުމޭ' ފެންނަން އޮތީ

މިން ކުރަން  ނޭނގޭ މި ކައުނާ  އެންމެހާ  މަޚުލޫޤުނާ
ބިން އުފަންވި ގޮތާ، ސައެންސުން ދެއްކިގޮތް [ފޮތުގައި]އޮތީ

އެންމެ ކުދި ސެލްތައް ވިޔަސް ހެލިފެލިވެވޭނެ ނިޒާމުތައް…..
ދެން ކިޔައިދޭނޭ ގޮތެއް، ހުނަރެއް، މި ޤަލަމަށް ލިބި ނެތީ

'ތަކުރުބޭ' މާ 'މޮޅު ފޮތެއް' ލިޔެގެން، ނެރުނު ތިއަރީއަކުން
މަކުނު ވެސް އިންސާނުނަށް ވާނޭ ކަމުގެ ހެތްކެއް ނެތީ

ނާވިލެއް ހެން ޢާއްމުކުރި އެންމެ ބޮޑު ބުހުތާނު (ފޮތް)
ޑާވިނުގެ ތިއަރީ އެއީ ދޮގުކަން މިއަދު ފެންނަން އޮތީ

"މާޒީ"ގެ ނަޒަރުން ވިސްނަމުން ޑާވިނުގެ ތިއަރީ ދޮގުކަމޭ
ޒާތީކަމެއް ނެތި ތެދު ހިތުން "މާޒީ" މިއަދު ބުނެލަން އޮތީ

އެންމެ މަތިވެރި ޖައްލަރައްބީ އަށް ސަނާ ގިނަ ދަންނަވައި
ލެއްވެވުން އެދިގެންވަމޭ، އަބަދަށް މި މަތިވެރި ދީން މަތީ