ވޭތުވެދިޔަ ހަތަރު މަސްދުވަހުގެ ތެރޭގައި އިސްރާއީލުން ޣައްޒާއަށް އޮއްސައިފައިވާ ބޮންތައް ރަޝިޔާއިން މި ދިޔަ ދެ އަހަރުގެ ތެރޭގައި ޔުކްރޭނަށް އެޅި ބޮންތަކަށްވުރެ މާގިނަކަމަށް އިސްރާއީލުގެ ދުވަހުނޫހަކާ ޙަވާލާދީ ޔޫރޯމެޑިޓެރޭނިއަން މޮނިޓަރު ބުނެފިއެވެ.
ޔޫރޯމެޑިޓެރޭނިއަން މޮނިޓަރުގެ ޑިރެކްޓަރު ރާމީ ޢަބްދު އޭނާގެ އެކްސް ޞަފްޙާގައި ވިދާޅުވެފައިވާ ގޮތުގައި ދެވަނަ ބޮޑުހަނގުރާމައިގައި ހިޓްލަރުގެ އަމުރަށް ޖަރްމަން ސިފައިން އެޅި ބޮންތަކަށްވުރެ އިސްރާއީލުން ޣައްޒާއަށް އެޅި ބިންތައް މާ ގިނައެވެ.
ޔޫރޯމެޑިޓެރޭނިއަން މޮނިޓަރަކީ މިނިވަން މުސްތަޤިއްލު ޖަމްޢިއްޔާއެކެވެ. މި ޖަމްޢިއްޔަގައި މަސައްކަތް ކުރާ 70% މީހުންނަކީ އިންސާނީ ޙައްޤުތަކުގެ ޝިކާރައިގައި ކަތިލެވިފައިވާ މީހުންނެވެ. މި ޖަމްޢިއްޔާއަކީ ޔޫރަޕާއި މެދުއިރުމައްޗާއި އުތުރު އެފްރިކާގައި ހިނގާ އިންސާނީ ޙައްޤުތަކާ ޚިލާފު މަސައްކަތްތައް ބަލައި މަރްކަޒެކެވެ. ޚާއްޞަގޮތެއްގައި މި ޖަމްޢިއްޔާއިން ބަލަމުންދަނީ އަންހެނުންނާއި ކުޑަކުދީންގެ މަސްއަލަތަކެވެ.