لن تراني ގެ އުސޫލެއް ނުވެއޭ ސުލްހަ މިތާ
ވަންތަކަން ލޮބުވެތި ރަސްކަން ކުރަނީ ހިތުގަ ހިތާ
އެންދުމުން ޝައްކުގެ އަލިފާން ހިތުގާ ނުނިވި އަނދާ
ގެންދެއޭ ދުރުކުރަމުން ރޫޅި ވިއުގަ ހިތުގެ ހިތާ
ބަސްމަގުން ހިތްތޮރުފާ ތީރުތަކުން ވިހަ ފޮނުވާ
ލަސްތަކެއް ނުވެ ނިއުޅޭ ލޯބި ހިތާ ހިތުގެ ގިތާ
ކަންކަމަށް ވަރިހަމަވާ ފަރުވާ ނެތް ހާލަތުގާ
ރަންކުލައިން ދިއްލުނު ލޯ ނިވި ބަނަވޭ މޫނު ނިތާ
ޚާއިނީ އެންމެ ނުބައި ޒަހަރުގެ ކޯވަރު ދެންޏާ
މާލަހެއް ނުވެ ވިރި އަނެކާގެ ދެއޭ ލަގޮނޑި ފިތާ
ވެއްޓި ބާޒީތަކުގައި ދާނަމައީ އެންމެފަހުން
ވެއްޓި ރަންކުލަ އުމުރަށް އޮފުކެނޑިދޭ މުތުގެ އިތާ
